ຜູ່ຟັງທີ່ໄດ້ລາງວັນທີ່1ຂອງcriຍ້ອງຍໍສະຖານທີ່ແຂ່ງເຮືອໃບໂອລິມປິກຊິ່ງຕາວ
-----------------------------------------------------------------------------------------------------------------
ຕາມຂ່າວcri:ວັນທີ2 ກໍລະກົດນີ້,ຜູ່ຟັງທີ່ໄດ້ລາງວັນທີ1ໃນການເສັງຄວາມຮູ້ ກ່ຽວກັບງານກິລາໂອລິມປິກປັກກິ່ງຂອງcri ໄດ້ທ່ຽວຊົມສະຖານທີ່ແຂ່ງຂັນເຮືອໃບໂອລິມປິກຢູ່ຊິ່ງຕາວ ເມືອງແຄມທະເລທາງຕາເວັນອອກຂອງຈີນ,ແລະຕີລາຄາ ໃນລະດັບສູງ.
ທ່ານບຸນເຕັງ ວົງໄຊ ຜູ່ຟັງຂອງລາວກ່າວວ່າ,ຫ້ອງພັກຂອງນັກກິລາຂອງບ້ານໂອລິມປິກທັງກ້າວໜ້າແລະສະດວກ,ທ່ານບໍ່ເຄີຍເຫັນບ້ານໂອລິມປິກສວຍງາມຄືແນວນີ້.ທ່ານເຫັນວ່າ,ວຽກງານກະກຽມຂອງການແຂ່ງຂັນເຮືອໃບແມ່ນຄົບຖ້ວນບໍລິບູນ.
ທ່ານໂລເບີໂຕ ຄາໂລສ ອານວາເຣສ ກາໂລໂຊ ຜູ່ຟັງອາເມລິກາກໍ່ກ່າວວ່າ,ຫ້ອງພັກນັກກິລາຂອງບ້ານໂອລິມປິກຢູ່ທີ່ນີ້ມີເຄື່ອງປະກອບອັນຄົບຖ້ວນ, ອາສາສະໝັກທີ່ຮັບຜິດຊອບວຽກງານຕ້ອນຮັບກໍ່ມີຄວາມກະຕືລືລົ້ນຫຼາຍ.
ເນື້ອທີ່ຂອງສູນເຮືອໃບໂອລິມປິກມີ45ເຮັກຕາ,ລວມທັງສິ່ງກໍ່ສ້າງຕ່າງໆຄືບ້ານໂອລິມປິກ,ສູນນັກກິລາ,ສູນສື່ມວນຊົນແລະສູນອຳນວຍຄວາມສະດວກ.ການແຂ່ງຂັນເຮືອໃບຂອງງານກິລາໂອລິມປິກຄັ້ງທີ29ແລະງານກິລາໂອລິມປິກຄົນພິການຄັ້ງທີ13ຈະຈັດຂຶ້ນຢູ່ແຫ່ງນີ້.
