ເອກອັກຄະລັດຖະທູດຈີນປະຈຳອາເມລິກາກ່າວປາຖະກະຖາກ່ຽວກັບການພົວພັນຈີນອາເມລິກາ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ1 ກໍລະກົດນີ້,ໂດຍຕອບສະໜອງຄຳເຊີນ,ທ່ານໂຈ່ວເວິນຈົ້ງ ເອກອັກຄະລັດຖະທູດຈີນປະຈຳອາເມລິກາໄດ້ກ່າວປາຖະກະຖາກ່ຽວກັບການພົວພັນລະຫວ່າງຈີນກັບອາເມລິກາຢູ່ມະຫາວິທະຍາໄລແມຣີແລນ.
ທ່ານໂຈ່ວເວິນຈົ້ງກ່າວວ່າ,ໃນຫຼາຍປີມານີ້,ການພົວພັນຮ່ວມມືລັກສະນະສ້າງສັນລະຫວ່າງຈີນກັບອາເມລິກາໄດ້ຮັກສາທ່ວງທ່າຕັ້ງໜ້າທີ່ຂະຫຍາຍຕົວຢ່າງໝັ້ນທ່ຽງ,ເຈົ້າໜ້າທີ່ຂັ້ນສູງສອງປະເທດຮັກສາການຕິດຕໍ່ພົວພັນຢ່າງສະໜິດແໜ້ນ,ກົນໄກສົນທະນາຍຸດທະສາດເພີ່ມທະວີຢ່າງບໍ່ຢຸດຢັ້ງ,ສອງປະເທດໄດ້ຮັກສາການຕິດຕໍ່ແລະປະສານງານກັນຢ່າງໃກ້ຊິດໃນບັນຫາສາກົນແລະພາກພື້ນຄືນິວເຄຼຍແຫຼມເກົາຫຼີ,ນິວເຄຼຍອີຣານ,ເຂດດາຟູຂອງຊູດັງເປັນຕົ້ນ,ໄດ້ຮັກສາແລະຊຸກຍູ້ສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນອາຊີປາຊີຟິກກໍຄືຂອງໂລກ.
ທ່ານຊີ້ອອກວ່າ,ກ່ຽວກັບບັນຫາທີ່ປະກົດເຫັນໃນການພົວພັນລະຫວ່າງຈີນກັບອາເມລິກາ,ສອງຝ່າຍຕ້ອງໂຄລົບເຊິ່ງກັນແລະກັນ,ປະຕິບັດຕໍ່ກັນຢ່າງສະເໝີພາບ,ສະແຫວງຫາອັນຄືກັນແຕ່ສະຫງວນອັນຕ່າງກັນໄວ້,ແກ້ໄຂຢ່າງເໝາະສົມໂດຍຜ່ານການສົນທະນາແລະເປິກສາຫາລື.
ທ່ານໂຈ່ວເວິນຈົ້ງກ່າວວ່າ,ຫວ່າງມໍ່ໆນີ້,ສະພາບການໄຕ້ຫວັນໄດ້ມີການປ່ຽນແປງໄປໃນທາງທີ່ດີ,ການພົວພັນລະຫວ່າງສອງຝັ່ງຊ່ອງແຄບມີທ່ວງທ່າຂະຫວາຍຕົວຢ່າງດີງາມ,ແຕ່ວ່າຫຼັກການຈີນດຽວປ່ຽນແປງບໍ່ໄດ້.ຫວັງໃຫ້ອາເມລິກາປະຕິບັດຕາມຄຳໝັ້ນສັນຍາທີ່ຍຶດໝັ້ນນະໂຍບາຍຈີນດຽວ,ໂຄລົບ3ປະກາດແຈ້ງການຮ່ວມກັນລະຫວ່າງຈີນກັບອາເມລິກາ,ຄັດຄ້ານ"ໄຕ້ຫວັນເປັນເອກະລາດ",ແລະແກ້ໄຂບັນຫາໄຕ້ຫວັນຢ່າງລະມັດລະວັງແລະເໝາະສົມ.
