ຈີນຮຽກຮ້ອງການບິນພົນລະເຮືອນເຮັດວຽກປະກັນຄວາມປອດໄພແລະການບໍລິການໃນຍາມໂອລິມປິກໃຫ້ດີ

(GMT+08:00) 2008-07-05 17:54:03 cri
-----------------------------------------------------------------------------------------------------------------

ຕາມຂ່າວສານຊີນຮວາ: ວັນທີ 4 ກໍລະກົດນີ້, ທ່ານລີເຈ່ຍສຽງ ຫົວໜ້າກົມການບິນພົນລະເຮືອນຈີນຮຽກຮ້ອງໃຫ້ການບິນພົນລະເຮືອນເຮັດວຽກຮັບປະກັນຄວາມປອດໄພແລະການບໍລິການໃນຍາມໂອລິມປິກໃຫ້ດີ, ສ້າງພາບພົດແລະການບໍລິການຂອງສະໜາມບິນນະຄອນຫຼວງໃຫ້ດີ.

ໃນພິທີທີ່ຈັດຂຶ້ນຢູ່ສະໜາມບິນນະຄອນຫຼວງໃນມື້ດຽວກັນ, ທ່ານລີເຈ່ຍສຽງກ່າວວ່າ, ຈັດງານກິລາໂອລິມປິກປັກກິ່ງ 2008 ໃຫ້ເປັນງານກິລາໂອລິມປິກທີ່ມີສີສັນພິເສດແລະມີລະດັບສູງແມ່ນຄຳໝັ້ນສັນຍາອັນເຄັ່ງຂືມຂອງລັດຖະບານແລະປະຊາຊົນຈີນທີ່ມີຕໍ່ປະຊາຊົນບັນດາປະເທດໃນໂລກ; ສ່ວນການສະໜອງການບໍລິການຂົນສົ່ງດ້ານການບິນຢ່າງປອດໄພ, ລຸລ່ວງ, ສະດວກວ່ອງໄວໃຫ້ແກ່ງານກິລາໂອລິມປິກປັກກິ່ງແມ່ນຄຳໝັ້ນສັນຍາອັນເຄັ່ງຂືມຂອງການບິນພົນລະເຮືອນຈີນທີ່ມີຕໍ່ຄະນະກຳມະການໂອລິມປິກສາກົນ. ການບິນພົນລະເຮືອນຈະປະຕິບັດຕາມຄຳໝັ້ນສັນຍາດັ່ງກ່າວ, ເຮັດວຽກປະກັນຄວາມປອດໄພແລະການບໍລິການຂອງງານກິລາໂອລິມປິກໃຫ້ດີ.

ຂ່າວ-ບົດທີ່ກ່ຽວຂ້ອງ

ຄຳເຫັນ