ໜັງສືພິມ"ປະຊາຊົນລາຍວັນ"ພິມບົດຄວາມຕ້ອນຮັບການນັບເວລາຖອຍຫຼັງ 1 ເດືອນຂອງງານກິລາໂອລິມປິກປັກກິ່ງ
-----------------------------------------------------------------------------------------------------------------
ຕາມຂ່າວCRI: ວັນທີ 8 ກໍລະກົດແມ່ນວັນນັບເວລາຖອຍຫຼັງ 1 ເດືອນຂອງງານກິລາໂອລິມປິກປັກກິ່ງ, ໜັງສືພິມ"ປະຊາຊົນລາຍວັນ"ຂອງຈີນໄດ້ພິມບົດຄວາມຂອງທ່ານເຢີນຈົ້ງພິງທີ່ມີຫົວຂໍ້ວ່າ"ປັກກິ່ງກອດອຸ້ມໂລກ". ບົດຄວາມຊີ້ອອກວ່າ, ປັກກິ່ງພວມແລ່ນຕອນສຸດທ້າຍເພື່ອຈັດງານກິລາໂອລິມປິກທີ່ມີສີສັນພິເສດແລະມີລະດັບສູງ.
ບົດຄວາມຂຽນວ່າ, ເຖິງວ່າໃນເວລາຫ່າງຈາກມື້ໄຂງານກິລາໂອລິມປິກເຫຼືອ 88 ມື້, ຈີນໄດ້ເກີດໄພແຜ່ນດິນໄຫວອັນຮ້າຍແຮງ, ແຕ່ແຜ່ນດິນໄຫວບໍ່ໄດ້ເຮັດໃຫ້ຄວາມຕັດສິນໃຈອັນເດັດດ່ຽວໜຽວແໜ້ນທີ່ຈັດງານກິລາໂອລິມປິກປັກກິ່ງໃຫ້ດີຂອງປະຊາຊົນ 1 ຕື້ 300 ລ້ານຄົນນັ້ນພັງທະລາຍ, ບໍ່ໄດ້ເຮັດໃຫ້ຄວາມຄອງຄອຍທີ່ບັນລຸຄວາມໄຝ່ຝັນຮ້ອຍປີຂອງປະຊາຊາດຈີນພັງທະລາຍ, ຈີນໄດ້ກຽມພ້ອມແລ້ວຈະຈັດງານກິລາໂອລິມປິກທີ່ມີສີສັນພິເສດແລະມີລະດັບສູງຄັ້ງໜຶ່ງ, ເພື່ອໃຫ້ປະຊາຄົມໂລກພໍໃຈ, ໃຫ້ນັກກິລາຂອງປະເທດຕ່າງໆພໍໃຈ, ແລະໃຫ້ປະຊາຊົນຈີນພໍໃຈ.
