ສານ​ສູງ​ສຸດ​ຂອງ​ໄທ​ເລີ່​ມພິພາກສາ​ຄະດີສໍ້​ລາດ​ບັງ​ຫຼວງຂອງ​ທ່ານ​ທັກສິນ

ຕາມ​ຂ່າວCRI: ວັນ​ທີ8ກໍລະກົດ​ນີ້ ສານ​ສູງ​ສຸດ​ຂອງ​ໄທ​ເລີ່​ມພິພາກສາ​ຄະດີສໍ້​ລາດ​ບັງ​ຫຼວງຂອງ​ທ່ານ​ທັກສິນ ຊິນນະ​ວັດ ອະດີດ​ນາຍົກລັດຖະມົນຕີ.ນີ້​ແມ່ນ​ການ​ພິພາກສາ​ທາງ​ອາຍາ​ຄັ້ງທຳ​ອິດ​ຕໍ່​ທ່ານ​ທັກ​ສິນ​ນັບ​​ແຕ່​ທ່ານ​ລາ​ອອກ​ຈາກ​ຕຳ​ແໜ່​ງ​ໃນ​ເດືອນ​ສັນຍາ​ປີ2006ມາ​ນີ້.

ທ່ານ​ທັກສິນ​ຖືກ​ກ່າວ​ຫາວ່າ ນຳ​ໃຊ້​ອິດ​ທິພົນ​ທາງ​ການ​ເມືອງ​ຂອງ​ຕົນ,ຊ່ວຍ​ນາງ​ພົດ​ຈະມານ ຊີ​ນນະ​ວັດ ​ເມຍ​ຂອງ​ທ່ານ​ຊື້​ທີ່​ດິນຢູ່​ບາງກອກ​ດ້ວຍ​ລາຄາ​ຕ່ຳ. ຖ້າ​ທ່ານ​ຖືກ​ພິພາກສາວ່າ​ມີ​ໂທດ,ຜົວ​ເມຍ​ທັກສິນ​ຈະ​ຖືກ​ຕັດສິນ​ລົງ​ໂທດຕັດອິດ​ສະຫຼະພາບ​ສູງ​ສຸດ13ປີ. ຍ້ອນ​ວ່າ​ຄະດີ​ນີ້​ແມ່ນ​ເລີ່​ມພິພາກສາ​ຈາກ​ສານ​ສູງ​ສຸດ​,ທ່ານ​ທັກສິນ​ແລະ​ເມຍ​ຈະ​ບໍ່​ມີ​ຊ່ອງ​ທາງອຸທອນອີກ.

ທ່ານ​ທັກສິນ​ແລະ​ເມຍ​ບໍ່​ໄດ້​​ໄປສານ​ໃນມື້​ນັ້ນ.ຄາດ​ວ່າ ການ​ພິພາກສາ​ຈະ​ດຳ​ເນີນ​ເປັນ​ເວລາ2​ເດືອນ.