ກະຊວງວຽກປົກຄອງແລະປະຊາສົງເຄາະຈີນຖະແຫຼງຂອບໃຈພາຍໃນແລະຕ່າງປະເທດຕໍ່ບໍລິຈາກໃຫ້ແກ່ເຂດປະສົບໄພແຜ່ນດິນໄຫວ
-----------------------------------------------------------------------------------------------------------------
ຕາມຂ່າວສານຈີນ:ວັນທີ10 ກໍລະກົດນີ້,ກະຊວງວຽກປົກຄອງແລະປະຊາສົງເຄາະຈີນໄດ້ຖະແຫຼງຂອບໃຈຕໍ່ວົງການຕ່າງໆທີ່ບໍລິຈາກແລະຊ່ອຍເຫຼືອເຂດປະສົບໄພແຜ່ນດິນໄຫວ.
ການຖະແຫຼງເທື່ອນີ້ກ່າວວ່າ,ພາຍຫຼັງເມືອງເວິ້ນຊ່ວນແຂວງເສສວນເກີດແຜ່ນດິນໄຫວໃຫຍ່8ລິກເທີ,ປະເທດຕ່າງໆ,ອົງການຈັດຕັ້ງສາກົນ,ອົງການອື່ນໆແລະບຸກຄົນໄດ້ສະແດງຄວາມເຫັນໃຈອັນເລິກເຊິ່ງຕໍ່ລັດຖະບານແລະປະຊາຊົນຈີນ,ແລະໄດ້ສະໜອງການຊ່ອຍເຫຼືອອັນລ້ຳຄ່າໃນຮູບແບບຕ່າງໆ,ໄດ້ເສີມຂະຫຍາຍບົດບາດອັນສຳຄັນຕໍ່ການສ້າງບ້ານແປງເມືອງຄືນໃໝ່.ໃນໂອກາດນີ້,ຈຶ່ງຂໍສະແດງຄວາມໂຄລົບຮູ້ບຸນຄຸນອັນສູງສັ່ງແລະຄວາມຂອບໃຈອັນຈິງໃຈຕໍ່ລັດຖະບານ,ອົງການຈັດຕັ້ງແລະບຸກຄົນທີ່ໄດ້ເອົາໃຈໃສ່ແລະສະໜັບສະໜູນການກູ້ໄພແຜ່ນດິນໄຫວ.
ການຖະແຫຼງເທື່ອນີ້ກ່າວເນັ້ນວ່າ,ລັດຖະບານຈີນເອົາໃຈໃສ່ໃນລະດັບສູງຕໍ່ການຄຸ້ມຄອງແລະນຳໃຊ້ເງິນແລະເຄື່ອງຊ່ອຍເຫຼືອ,ຂະແໜງການກ່ຽວຂ້ອງຂອງສູນກາງແລະທ້ອງຖິ່ນໄດ້ອອກຂໍ້ກຳນົດກົດລະບຽບຕ່າງໆ,ຂະແໜງການຕິດຕາມ,ກວດກາກໍ່ໄດ້ນຳໃຊ້ມາດຕະການທີ່ມີຜົນສັກສິດ,ຕິດຕາມຢ່າງເຄັ່ງຄັດ,ແລະຈະເປີດເຜີຍສະພາບນຳໃຊ້ໃຫ້ສັງຄົມ,ໄດ້ຊາບຢ່າງໂປ່ງໃສ.
