ລັດຖະບານ​ໄທ​ວາງນະ​ໂຍບາຍຕ່າງໆ​ເພື່ອ​ຫຼຸ​ດຜ່ອນຄວາມ​ກົດ​ດັນ​ໃນຊີວິດ​ປະຈຳ​ວັນ​ຂອງ​ປະຊາຊົນ

ຕາມ​ຂ່າວສານ​ຊິນຮວາ: ວັນ​ທີ15ກໍລະກົດ​ນີ້ ທ່ານ​ສະໝັກ ສຸນ​ທໍລະ​ເວດ ນາຍົກລັດຖະມົນຕີ​ໄທປະກາດ​ວ່າ,ລັດຖະບານ​ໄດ້​ວາງນະ​ໂຍບາຍ​ເສດຖະກິດຕ່າງໆ,​ເພື່ອ​ຫຼຸດຜ່ອນຄວາມ​ກົດ​ດັນ​ໃນ​ປະຈຸ​ບັນທີ່​ນັບ​ມື້​ນັບ​ເພີ່ມ​ຂຶ້ນ​​ໃນ​ຊີວິດ​ປະຈຳ​ວັນ​ຂອງ​ປະຊາຊົນ​ຍ້ອນປັດ​ໄຈ​ຕ່າ​ງໆ​ເຊັ່ນ ​ໄພ​ເງິນ​ເຟີ້​ເປັນຕົ້ນ.

ນະ​ໂຍບາຍ​ເສດຖະ​ກິດທີ່​ວາງ​ອອກ​ໃໝ່​ ​ລວມມີ​ຫຼຸດອາກອນ​ບໍລິ​ໂພ​ກ​ແອນ​ກໍຮໍ​ແລະນ້ຳມັນ​​ແອັດ​ຊັງ ງົດລາຄາ​ອາຍ​ແກັສທາດ​ເຫຼວ​ທີ່​​ໃຊ້​ໃນ​ຊີວິດ​ປະຈຳ​ວັນ ຫຼຸດ​ຄ່າ​ນ້ຳ​ ຄ່າ​ໄຟຟ້າ​​ແລະ​ອື່ນໆ.ມາດຕາ​ລະອຽດ​ຈະ​ບັງ​ເກີດ​ຜົນ​ເປັນ​ລຳດັບ​ໃນ​ໄວໆ​ນີ້,ຈະ​ປະຕິບັດ​ເປັນ​ເວລາ​ເຄິ່ງປີ​ຊົ່ວຄາວ.

ບົດ​ລາຍ​ງານ​ສະບັບ​ຫຼ້າ​ສຸດ​ຂອງກະຊວງ​ການ​ຄ້າ​ໄທ​ສະ​ແດງ​ໃຫ້​ເຫັນ​ວ່າ,ອັດຕາ​ເງິນ​ເຟີ້​ຂອງ​ໄທ​ໃນ​ເດືອນ​ມິຖຸນາ​ປີ​ນີ້​ບັນລຸ 8,9%,ຊຶ່ງ​ໄດ້​ສ້າງ​ສະຖິຕິ​ສູງ​ເທື່ອ​ໃໝ່​ໃນ10ປີ​ມາ​ນີ້.