ໃນໄລຍະງານໂອລິມປິກສະໜາມບິນນະຄອນຫຼວງປັກກິ່ງຈະປະຕິບັດມາດຕະການຮັກສາຄວາມປອດໄພພິເສດ
-----------------------------------------------------------------------------------------------------------------
ຕາມຂ່າວສານຊິນຮວາ: ເລີ່ມແຕ່ສູນໂມງວັນທີ 20 ກໍລະກົດນີ້ເປັນຕົ້ນໄປ, ສະໜາມບິນຈີນຈຳນວນໜຶ່ງເຊັ່ນສະໜາມບິນນະຄອນຫຼວງປັກກິ່ງເປັນຕົ້ນຈະປະຕິບັດມາດຕະການກວດກາພິເສດ.
ຮອດເວລານັ້ນ, ພາກສ່ວນປ້ອງກັນຄວາມສະຫງົບຈະຕິດຕັ້ງອຸປະກອນກວດກາຄວາມປອດໄພຢູ່ບ່ອນເຂົ້າອາຄານຜູ້ໂດຍສານເລກ 1 ເລກ2ແລະເລກ3, ຂອງສະໜາມບິນນະຄອນຫຼວງ. ຜູ້ໂດຍສານ, ບຸກຄົນຮັບສົ່ງແລະພະນັກງານຂອງໜ່ວຍງານຕ່າງໆປະຈຳສະໜາມບິນໝົດທຸກຄົນລ້ວນແຕ່ຕ້ອງຮັບການກວດກາຈິ່ງເຂົ້າອາຄານຜູ້ໂດຍສານໄດ້.
ໂດຍແນໃສ່ບັນຫາຜູ້ໂດຍສານລຽນແຖວຫຼັງຈາກປະຕິບັດມາດຕະການກວດກາພິເສດ, ທາງສະໜາມບິນຈະຕັ້ງໜ້າໃຊ້ມາດຕະການຫຼາຍຢ່າງເພື່ອແກ້ໄຂບັນຫາດັ່ງກ່າວ. ກ່ອນອື່ນໝົດ, ສະໜາມບິນນະຄອນຫຼວງປັກກິ່ງຈະເພີ່ມທະວີວຽກງານແຈກຢາຍຜູ້ໂດຍສານຢູ່ບ່ອນເຂົ້າອາຄານຜູ້ໂດຍສານ, ເພື່ອບໍ່ໃຫ້ຜູ້ໂດຍສານລໍຖ້າຢູ່ທາງເຂົ້າໃດໜຶ່ງເປັນເວລາດົນນານ, ສຳລັບຜູ້ໂດຍສານທີ່ຕ້ອງການຄວາມຊ່ອຍເຫຼືອເຊັ່ນຜູ້ເຖົ້າ ເດັກນ້ອຍ ຄົນພິການເປັນຕົ້ນ, ສະໜາມບິນນະຄອນຫຼວງຈະຈັດຕັ້ງພະນັກງານຂອງສະໜາມບິນແລະອາສາສະໝັກຕັ້ງໜ້າຊ່ອຍຂົນສົ່ງເຄື່ອງຂອງໃຫ້ຜູ້ໂດຍສານຂົນເຫຼົ່ານີ້.
