ຊ່ອງທາງບໍ່ມີອຸປະສັກຂອງຫໍພິພິດທະພັນກູ້ກົ່ງສ້າງຄວາມສະດວກໃຫ້ແກ່ນັກທ່ອງທ່ຽວຄົນພິການຈີນແລະຕ່າງປະເທດ

(GMT+08:00) 2008-07-17 12:46:38 cri
-----------------------------------------------------------------------------------------------------------------

ຕາມຂ່າວCRI,ຫໍພິພິດທະພັນກູ້ກົ່ງປັກກິ່ງຈີນແມ່ນຫໍພິພິດທະພັນທີ່ມີຊື່ສຽງດົ່ງດັງໃນໂລກ,ແລະກໍ່ແມ່ນແຫຼ່ງທ່ອງທ່ຽວທີ່ມີຊື່ສຽງຫຼາຍໃນໂລກ.ນັບແຕ່ຫໍພິພິດທະພັນກູ້ກົ່ງເປີດຊ່ອງທາງບໍ່ມີອຸປະສັກໃນເດືອນພຶດສະພາປີນີ້ມາ,ໄດ້ສ້າງຄວາມສະດວກໃຫ້ແກ່ນັກທ່ອງທ່ຽວຄົນພິການຈີນແລະຕ່າງປະເທດ.

ເລີ່ມແຕ່ປີ2003ເປັນຕົ້ນໄປ,ຫໍພິພິດທະພັນກູ້ກົ່ງໄດ້ລົງທຶນ3ລ້ານກວ່າຢວນເພື່ອດຳເນີນໂຄງການແສ້ມແປງຊ່ອງທາງເຂົ້າອອກທີ່ບໍ່ມີອຸປະສັກຢູ່ບ່ອນທ່ອງທ່ຽວສຳຄັນໃນຫໍພິພິດທະພັນ,ລວມມີ10ກວ່າໂຄງການເຊັ່ນການນຳເຂົ້າລິບທີ່ທັນສະໄໝໃນໂລກ,ທາງໂນນຢາງປຼາສະຕິນທີ່ປອດໄພແລະອະນຸລັກສິ່ງແວດລ້ອມເປັນຕົ້ນ.ການສ້ອມແປງດັ່ງກ່າວໄດ້ດຳເນີນຢູ່ໃຕ້ເງື່ອນໄຂບໍ່ທຳລາຍທິວທັດຂອງສິ່ງກໍ່ສ້າງເດີມ.

ນັກທ່ອງທ່ຽວຄົນພິການໃຊ້ລິບສະເພາະໃນເວລາທ່ຽວຫໍພິພິດທະພັນ

ນອກນີ້,ຫໍພິພິດທະພັນກູ້ກົ່ງຍັງໄດ້ພິມປຶ້ມແຜ່ນພັບນຳທ່ຽວສຳລັບຄົນພິການ,ໂດຍແນະນຳບ່ອນທີ່ມີສິ່ງກໍ່ສ້າງທີ່ບໍ່ມີອຸປະສັກ,ແລະມີແຜ່ນທີ່ບອກເສັ້ນທາງທ່ອງທ່ຽວທີ່ບໍ່ມີອຸປະສັກເພື່ອນັກທ່ອງທ່ຽວຄົນພິການໂດຍສະເພາະ,ສ້າງຄວາມສະດວກໃຫ້ເຂົາເຈົ້າເພື່ອໄດ້ສຳຜັດກັບສະເໜ່ຂອງມໍລະດົກວັດທະນະທຳຢ່າງໃກ້ຊິດ.

1 2

ຂ່າວ-ບົດທີ່ກ່ຽວຂ້ອງ

ຄຳເຫັນ