ເດັກນ້ອຍເຂດປະສົບໄພຈີນ 919 ຄົນຊຸດທຳອິດເດີນທາງໄປພັກຟື້ນຢູ່ຣັດເຊຍ
-----------------------------------------------------------------------------------------------------------------
ຕາມຂ່າວCRI: ວັນທີ 17 ກໍລະກົດນີ້ຢູ່ທີ່ປັກກິ່ງ, ທ່ານອີໂກຼ ວີ ໂມກຸລົຟ ອຸບປະທູດຊົ່ວຄາວຂອງສະຖານທູດຣັດເຊຍປະຈຳຈີນກ່າວວ່າ, ເດັກນ້ອຍເຂດປະສົບໄພຈີນ 919 ຄົນຊຸດທຳອິດໄດ້ເດີນທາງໄປຣັດເຊຍໃນວັນທີ 17 ກໍລະກົດນີ້, ເພື່ອພັກຟື້ນທີ່ຈະດຳເນີນເປັນເວລາ 21 ມື້.
ໂດຍຕອບສະໜອງຄຳເຊີນຂອງທ່ານ ດີມີຕຣີ ເມັດເວເດັຟ ປະທານາທິ ບໍດີຣັດເຊຍ, ເດັກນ້ອຍ 1570 ຄົນອາຍຸ 7 ປີຫາ 16 ປີຂອງເຂດປະສົບໄພແຜ່ນດິນໄຫວຈີນຈະແບ່ງເປັນສອງຊຸດໄປພັກຟື້ນຢູ່ຣັດເຊຍໃນປີນີ້ແລະປີໜ້າ. ຣັດເຊຍຈະຮັບຜິດຊອບຄ່າໃຊ້ຈ່າຍທັງໝົດຢູ່ຣັດເຊຍຂອງເດັກນ້ອຍແລະຜູ້ນຳພາ.
ວັນທີ 16 ກໍລະກົດນີ້ຢູ່ທີ່ປັກກິ່ງ, ທ່ານຫູຈີນທ່າວ ປະທານປະເທດຈີນໄດ້ໄປຢ້ຽມຢາມຖາມຂ່າວຜູ້ຕາງໜ້ານັກຮຽນປະຖົມແລະມັດຖະຍົມຂອງເຂດປະສົບໄພແຜ່ນດິນໄຫວທີ່ຈະໄປພັກຟື້ນຢູ່ຣັດເຊຍ. ທ່ານຫູຈີນທ່າວສະແດງຂອບໃຈນຳລັດຖະບານແລະປະຊາຊົນຣັດເຊຍທີ່ສະໜອງການຊ່ອຍເຫຼືອທີ່ເອື້ອເຟື້ອເພື່ອແຜ່ໃຫ້ຈີນໃນການກູ້ໄພແຜ່ນດິນໄຫວ.
