ເລີ່ມແຕ່ວັນທີ20ກໍລະກົດນີ້ເປັນຕົ້ນໄປປັກກິ່ງປະຕິບັດມາດຕະການຈຳກັດການແລ່ນລົດແລະປັບໂມງເຂົ້າການເລີກການ

(GMT+08:00) 2008-07-20 16:57:55 cri
-----------------------------------------------------------------------------------------------------------------

ຕາມຂ່າວCRI,ເລີ່ມແຕ່ເວລາສູນໂມງວັນທີ20ກໍລະກົດນີ້ເປັນຕົ້ນໄປ,ປັກກິ່ງປະຕິບັດມາດຕະການທີ່ຈຳກັດການແລ່ນລົດ ຕາມເລກຄູ່ເລກຄີກຂອງປ້າຍລົດແລະປັບໂມງເຂົ້າການແລະເລີກການເພື່ອຮັບປະກັນຄົມມະນາຄົມດຳເນີນປົກກະຕິແລະຄຸນນະພາບອາກາດໃນຍາມງານກິລາໂອລິມປິກແລະງານກິລາໂອລິມປິກຄົນພິການ.

ມາດຕະການສອງຢ່າງດັ່ງກ່າວຈະປະຕິບັດໄປຮອດວັນທີ20ກັນຍາປີນີ້.ໃນໄລຍະນີ້,ບໍ່ວ່າແມ່ນລົດຍົນປັກກິ່ງຫຼື ຕ່າງຖິ່ນທີ່ມາປັກກິ່ງລ້ນວແຕ່ໃຫ້ແລ່ນລົດຕາມເລກຄູ່ເລກຄີກຂອງປ້າຍລົດ.ຢູ່ນະຄອນປັກກິ່ງ,ເວັ້ນເສຍແຕ່ວິສາຫະກິດ,ຫົວໜ່ວຍວິຊາການແລະອົງການຈັດຕັ້ງສັງຄົມທີ່ຮັບຜິດຊອບຮັບປະກັນການໝູນເດີນຂອງຕົວເມືອງແລະການບໍລິການພ້ອມດ້ວຍໂຮງຮຽນແລ້ວ,ລັດວິສາຫະກິດຂັ້ນຕ່າງໆໃຫ້ປັບໂມງເຂົ້າການແລະເລີກການ.

ເພື່ອແກ້ໄຂບັນຫາທີ່ການປະຕິບັດມາດຕະການຈຳກັດການແລ່ນລົດສ້າງຄວາມບໍ່ສະດວກໃຫ້ແກ່ປະຊາຊົນສ່ວນໜຶ່ງ,ນະຄອນປັກກິ່ງໄດ້ໃຊ້ມາດຕະການຕ່າງໆເຊັ່ນແກ່ຍາວເວລາບໍລິການຂອງລົດໄຟໃຕ້ດິນແລະລົດເມປະຈຳທາງ,ເພີ່ມລົດຍົນແລະຖ້ຽວລົດເປັນຕົ້ນເພື່ອຕອບສະໜອງຄວາມຕ້ອງການໃນການອອກເດີນທາງປົກກະຕິຂອງຊາວເມືອງປັກກິ່ງ.

ຂ່າວ-ບົດທີ່ກ່ຽວຂ້ອງ

ຄຳເຫັນ