ກຳປູເຈຍເຊື້ອເຊີນເຈົ້າໜ້າທີ່ການຕ່າງປະເທດຂອງຈີນ,ອາເມລິກາ ຝະຣັ່ງແລະຫວຽດນາມໄປສຳຫຼວດການວິວາດຢູ່ຊາຍແດນກຳປູເຈຍໄທ

(GMT+08:00) 2008-07-20 17:05:38 cri
-----------------------------------------------------------------------------------------------------------------

ຕາມຂ່າວສານຊິນຮວາ,ໂດຍຕອບສະໜອງຕາມການເຊີນຂອງລັດຖະບານກຳປູເຈຍ,ຕອນເຊົ້າວັນທີ19ກໍລະກົດນີ້,ເຈົ້າໜ້າທີ່ການຕ່າງປະເທດຫຼາຍຄົນຂອງສະຖານທູດຈີນ ອາເມລິກາ ຝະຣັ່ງແລະຫວຽດນາມທີ່ປະຈຳກຳປູເຈຍໄດ້ເດີນທາງໄປແຂວງພະວິຫານເພື່ອສຳຫຼວດການຂັດແຍ່ງກັນຢູ່ຊາຍແດນລະຫວ່າງກຳປູເຈຍກັບໄທທີ່ຍືດເຍືອມາເປັນເວລາ5ວັນ.

ເຈົ້າໜ້າທີ່ຈີນທີ່ເຂົ້າຮ່ວມການສຳຫຼວດກ່າວວ່າ,ເມື່ອທຽບໃສ່ຫຼາຍມື້ກ່ອນ,ສະພາບກອງທະຫານກຳປູເຈຍແລະໄທປະເຊີນໜ້າກັນຢູ່ເຂດຊາຍແດນໃນປະຈຸບັນໄດ້ຜ່ອນຍານລົງແລ້ວ.ກອງທະຫານໄທໄດ້ຖອນອອກຈາກບ່ອນຍຶດຄອງຄືວັດກຳປູເຈຍແຫ່ງໜຶ່ງທີ່ຫ່າງຈາກຜາສາດພະວິຫານປະມານ200ເມັດ,ແຕ່ຍັງຄົງຍຶດຄອງທາງພູໄປຫາຜາສາດພະວິຫານພຽງເສັ້ນດຽວ.

ກຳປູເຈຍແລະໄທຈະຈັດການເຈລະຈາລະດັບສູງໃນວັນທີ21ກໍລະກົດນີ້,ເພື່ອໃຊ້ວິທີເຈລະຈາມາແກ້ໄຂບັນຫາກ່ຽວກັບກອງທະຫານໄທເຂົ້າປະຈຳເຂດຊາຍແດນໃກ້ກັບຜາສາດພະວິຫານ.

ຂ່າວ-ບົດທີ່ກ່ຽວຂ້ອງ

ຄຳເຫັນ