ນະຄອນເສີງຕູ່ແຂວງເສສວນຈີນໄດ້ຮັບເງິນບໍລິຈາກແລະເຄື່ອງຊ່ອຍເຫຼືອເກືອບ 1ຕື້ຢວນຈາກນອກແຜ່ນດິນໃຫຍ່

(GMT+08:00) 2008-07-20 18:45:22 cri
-----------------------------------------------------------------------------------------------------------------

ຕາມຂ່າວສານຊີນຮວາ, ວັນທີ20ກໍລະກົດນີ້, ຢູ່ນະຄອນເສີງຕູ່, ທ່ານຊີ່ວໄຫມີງ ຫົວໜ້າຫ້ອງການວຽກງານການຕ່າງປະເທດຂອງນະຄອນເສີງຕູ່ແຂວງເສສວນຈີນເປີດເຜີຍວ່າ, ຫຼັງຈາກເກີດແຜ່ນດິນໄຫວຢູ່ເມືອງເວິ້ນຊ່ວນແຂວງເສສວນແລ້ວ, ນະຄອນເສີງຕູ່ໄດ້ຮັບເງິນແລະເຄື່ອງຊ່ອຍເຫຼືອທີ່ມີມູນຄ່າເກືອບ1ຕື້ຢວນຈາກເຂດຮົງກົງ ມາກາວແລະຕ່າງປະເທດ, ແລະໄດ້ຮັບໂທລະເລກແລະຈົດໝາຍສະແດງຄວາມເຫັນໃຈ98ສະບັບຈາກອົງການຈັດຕັ້ງສາກົນແລະເມືອງມິດຕະພາບ.

ນອກນີ້, ບຸກຄົນສຳຄັນດ້ານການເມືອງຂອງຕ່າງປະເທດແລະເຂດຮົງກົງ ມາກາວ,ເຊັ່ນ ທ່ານຫຼີມີງບັກ ປະທານາທິບໍດີສ.ເກົາຫຼີ ນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາແລະທ່ານອື່ນໆພ້ອມດ້ວຍທູຕານຸທູດຕ່າງປະເທດປະຈຳຈີນຫຼາຍທ່ານໄດ້ໄປຢ້ຽມຢາມເຂດປະສົບໄພຂອງນະຄອນເສີງຕູ່. ສື່ມວນຊົນ150ກວ່າແຫ່ງຂອງ20ກວ່າປະເທດໄດ້ໄປເອົາຂ່າວຢູ່ເຂດປະສົບໄພ.

ທ່ານຊີ່ວໄຫມິງກ່າວວ່າ, ຂໍສະແດງຄວາມຂອບໃຈດ້ວຍຄວາມຈິງໃຈນຳຄວາມເອົາໃຈໃສ່ແລະການຊ່ອຍເຫຼືອຂອງປະຊາຄົມໂລກແລະເຂດພິເສດຮົງກົງແລະມາກາວ, ເງິນແລະເຄື່ອງຊ່ອຍເຫຼືອເຫຼົ່ານີ້ໄດ້ຜ່ານພາກສ່ວນການປົກຄອງແລະປະຊາສົງເຄາະສົ່ງໄປໃຫ້ເຂດປະສົບໂດຍແບ່ງເປັນງວດຕາມເວລາກຳນົດ.

ຂ່າວ-ບົດທີ່ກ່ຽວຂ້ອງ

ຄຳເຫັນ