ທ່ານຊີຈີ້ນພິງກ່າວເນັ້ນວ່າ ຕ້ອງເຮັດວຽກຮັກສາຄວາມປອດໄພ,ການບໍລິການສື່ມວນຊົນແລະຕ້ານສານກະຕຸ້ນເປັນຢ່າງດີ
-----------------------------------------------------------------------------------------------------------------
ຕາມຂ່າວສານຊິນຮວາ:ວັນທີ21 ກໍລະກົດນີ້,ທ່ານຊີຈີ້ນພິງ ຮອງປະທານປະເທດຈີນກ່າວເນັ້ນວ່າ,ຕ້ອງເຮັດວຽກຮັກສາຄວາມປອດໄພ,ບໍລິການສື່ມວນຊົນແລະຕ້ານສານກະຕຸ້ນໃຫ້ດີ.
ຕອນບ່າຍວັນທີ21 ກໍລະກົດ,ທ່ານຊີຈີ້ນພິງໄດ້ໄປສຳຫຼວດສະຖານທີ່ແລະສິ່ງກໍ່ສ້າງບໍລິການງານກິລາໂອລິມປິກຄືສູນບັນຊາການຮັກສາຄວາມປອດໄພແລະອື່ນໆ.ໃນການສຳຫຼວດ,ທ່ານຊີຈີ້ນພິງກ່າວເນັ້ນວ່າ,ງານກິລາໂອລິມປິກປອດໄພແມ່ນປະຖົມປັດໄຈທີ່ຈັດງານກິລາໂອລິມປິກທີ່ມີສີສັນພິເສດແລະມີລະດັບສູງ.ຕ້ອງເຮັດວຽກຮັກສາຄວາມປອດໄພໃຫ້ຮອບຄອບແລະເໝາະສົມກວ່າເກົ່າ.
ທ່ານຊີຈີ້ນພິງຊີ້ອອກວ່າ,ການບໍລິການສື່ມວນຊົນໃນລະດັບສູງໃນງານກິລາໂອລິມປິກແມ່ນຄຳໝັ້ນສັນຍາອັນໜັກແໜ້ນຂອງຈີນຕໍ່ປະຊາຄົມໂລກ,ຕ້ອງສະແດງໃຫ້ເຫັນຈຸດພິເສດທີ່ມີລະດັບວິຊາແລະໄດ້ມາດຕະຖານສາກົນໃນວຽກງານບໍລິການສື່ມວນຊົນໃນງານກິລາໂອລິມປິກ,ເຮັດວຽກບໍລິການສື່ມວນຊົນໃຫ້ດີກວ່າເກົ່າ.
ໃນຂະນະດຽວກັນ,ທ່ານຊີຈີ້ນພິງກ່າວເນັ້ນວ່າ,ຕ້ອງອີງຕາມລະບຽບແລະມາດຕະຖານສາກົນທີ່ກ່ຽວຂ້ອງຢ່າງເຄັ່ງຄັດ,ບໍ່ອະນຸຍາດໃຫ້ມີການໃຊ້ສານກະສ້ານເດັດຂາດ,ເຮັດວຽກກວດສານກະຕຸ້ນຢ່າງເຄັ່ງຄັດ,ສ້າງສະພາບແວດລ້ອມການແຂ່ງຂັນທີ່ສະເໝີພາບແລະທ່ຽງທຳໃຫ້ແກ່ນັກກິລາທີ່ເຂົ້າຮ່ວມການແຂ່ງຂັນ.
