ຄະ​ນະ​ນັກ​ກິ​ລາ​ຈີນ​ທີ່​ເຂົ້າ​ຮ່ວມ​ງານ​ກິ​ລາ​ໂອ​ລິມ​ປິກ​ປັກ​ກິ່ງ​ສ້າງ​ຕັ້ງ​ຂຶ້ນ​ຢ່າງ​ເປັນ​ທາງ​ການ

ຕາມ​ຂ່າວ cri:ວັນ​ທີ 25 ກໍລະກົດ​ນີ້ ຄະນະ​ນັກ​ກິລາ​ຈີນ​ທີ່​ຈະເຂົ້າຮ່ວມ​ງານ​ກິລາ​ໂອ​ລິ​ມປິກ​ປັກ​ກິ່ງ​ໄດ້​ຈັດ​ກອງ​ປະຊຸມ​ສ້າງຕັ້ງຢູ່​ປັກ​ກິ່ງ.ນາງ​ຫລິວ​ຢຽນຕົ່ງ ທີ່​ປຶກສາ​ແຫ່ງ​ລັດ​ຈີນ​ໄດ້​ເຂົ້າຮ່ວມ​ກອງ​ປະຊຸມ.

ຄະນະ​ນັກ​ກິລາ​ຈີນ​ປະກອບມີ 1099 ຄົນ, ​ໃນ​ນັ້ນ ນັກ​ກິລາ 639 ຄົນ,ຈະ​ເຂົ້າຮ່ວມ​ການ​ແຂ່ງຂັນຂອງ 28 ປະ​ເພດ​ໃຫຍ່​ໃນໂອ​ລິ​ມປິກ​ປັກ​ກິ່ງ.
ທ່ານ​ຫລິວ​ເຜິ​ງ ຫົວຫນ້າ​ຄະນະ​ນັກ​ກິລາ​ຈີນ ຫົວຫນ້າ​ກົມ​ໃຫຍ່​ກິລາ​ແຫ່ງ​ຊາດ​ຈີນ​ກ່າວ​ວ່າ, ວົງ​ການ​ກິລາຂອງ​ຈີນ​ໄດ້​ກະກຽມ​ເປັນ​ເວລາ​ຫລາຍ​ປີ​ແລ້ວ​ເພື່ອ​ງານ​ກິລາ​ໂອ​ລິ​ມປິກ​ປັກ​ກິ່ງຄັ້ງນີ້,​​ແລະຈະ​ພະຍາຍາມ​ຈົນ​ສຸດ​ຂີດ.ພ້ອມ​ກັນນັ້ນ ທ່ານ​ກ່າວ​ເນັ້ນວ່າ, ຄະນະ​ນັກ​ກິລາ​ຈີນ​ຈະ​ຍຶດຫມັ້ນ​ໃນ​ກະຕິ​ກາ​ການ​ແຂ່ງຂັນ​ແລະ​ເດັດດ່ຽວ​ຕໍ່ຕ້ານ​ການ​ໃຊ້​ສານ​ກະ​ຕຸ້ນ.