ບ້ານ​ໂອ​ລິມ​ປິກ​ປັກ​ກິ່ງ​ກຽມ​ເປີດ​ແລ້ວ

ຕາມ​ຂ່າວ cri:ວັນ​ທີ 25 ກໍລະກົດນີ້, ຢູ່​ປັກ​ກິ່ງ, ນາງ​ເຕິ້ງ​ຢາ​ຜິ​ງ ​ໂຄສົກ​ບ້ານ​ໂອ​ລິ​ມປິກກ່າວ​ວ່າ, ບ້າ​ໂ​ອລິ​ມປິກ​ຈະ​ເປີດ​ໃນ​ວັນ​ທີ 27 ​ເດືອນນີ້​ຢ່າງ​ເປັນ​ທາງ​ການ, ປັດຈຸບັນ ບ້ານ​ໂອ​ລິ​ມປິກ​ໄດ້​ກຽມພ້ອມ​ແລ້ວ.

ບ້ານ​ໂອ​ລິ​ມປິກ​ແມ່ນ​ບ້ານ​ພັກ​ຂອງ​ນັກ​ກິລາ​ແລະ​ເຈົ້າຫນ້າ​ທີ່​ຕ່າງໆ​ທີ່​ເຂົ້າຮ່ວມ​ງານ​ກິລາ​ໂອ​ລິ​ມປິກ.ນາງ​ເຕິ້ງ​ຢາ​ຜິ​ງກ່າວ​ວ່າ, ຢູ່​ໃນ​ບ້ານ​ໂອ​ລິ​ມປິກ​ປັກ​ກິ່ງ​ນອກຈາກ​ມີ​ທະນາຄານ ຮ້ານ​ຄ້າ​ແລ້ວ, ຍັງ​ມີ​ຮ້ານ​ອິນ​ເຕີ​ເນັດ​ແລະ​ສູນ​ຂາຍ​ເຄື່ອງ​ຫັດຖະກຳ. ດ້ານ​ຄວາມ​ປອດ​ໄພ​ຂອງ​ອາຫານ, ບ້ານ​ໂອ​ລິ​ມປິກ​ຈະ​ຕິດຕາມ​ກວດກາ​​ເປັນ​ປົກກະຕິ​ເພື່ອຮັບປະກັນ​ຄວາມ​ປອດ​ໄພ​ດ້ານອາຫານ​ຂອງນັກ​ກິລາ​ແລະ​ເຈົ້າຫນ້າ​ທີ່.ນອກ​ນີ້, ສູນ​ບໍລິການ​ສາສະຫນາ​ຂອງບ້ານ​ໂອ​ລິ​ມປິກ​ຈະ​ຈັດ​ສະຖານ​ທີ່​ນົບ​ໄຫວ້​ສວດ​ມົນຂອງ​ສາສະຫນາ​ຄຼິສຕຽນ ສາສະຫນາ​ພຸດ ສາສະຫນາ​ອິສລາມ ສາສະຫນາ​ຢິວ​ແລະ​ສາສະຫນາ​ຮິນ​ດູ,ຍັງ​ຈະ​ຈັດ​ສິ່ງ​ກໍ່ສ້າງ​ທີ່​ກ່ຽວຂ້ອງ​ເພື່ອບໍລິການ​ໃຫ້​ຄົນ​ທີ່ນັບຖືສາສະຫນາ​ອື່ນໆ, ​​ໃຫ້​ຜູ່​ເຊື່ອ​ຖື​ສາສະຫນາ​ຕ່າງ​ກັນ​ສາມາດ​ຢູ່​ຮ່ວມ​ກັນ​ຢ່າງ​ກົມກຽວ​ກັນ.