ມາດ​ຕະການຊົ່ວຄາວ​ຂອງ​ປັກ​ກິ່ງ​ເຮັດ​ໃຫ້​ຄຸນ​ນະພາ​ບທາງອາກາດ​ດີ​ຂຶ້ນ​ຕື່ມ

ຕາມ​ຂ່າວCRI: ວັນ​ທີ26ກໍລະກົດ​ນີ້ ​ໃນກອງ​ປະຊຸມຂ່າວທີ່​ຈັດ​ຂຶ້ນ​ຢູ່​ປັກ​ກິ່ງ ທ່ານຕູ້​ຊ້າ​ວຈົ່ງ ຮອງ​ຫົວໜ້າ​ພະ​ແນ​ກອະນຸລັກ​ສິ່​ງ​ແວດ​ລ້ອມ​ນະຄອນ​ປັກ​ກິ່ງ​ກ່າວ​ວ່າ,ນັບ​ແຕ່​ເຂົ້າ​ເດືອນ​ກໍລະກົດ​ເປັນຕົ້ນມາ,ການ​ເຊື່ອມພິດອາກາດ​ຂອງ​ນະຄອນ​ປັກ​ກິ່ງ ສະ​ເລ່ຍ​ແລ້ວ​ໄດ້​ຫຼຸດ​ລົງ​ກວ່າ​ເວລາ​ດຽວ​ກັນ​ຂອງ​ປີ​ກາຍ 20%,ຄວາມ​ໄວ​ການ​ເພີ່ມມົນ​ລະ​ພິດ​ໃນ​ດິນ​ຟ້າ​ອາກາດກໍ​ຊ້າ​ລົງ​ຢ່າງ​ເດັ່ນ​ຊັດ. ມາດ​ຕະການ​ຫຼຸດ​ການ​ລະບາຍ​ອາຍ​ພິດ​ເຮືອນ​ແກ້ວ​​ຊົ່ວຄາວ​​ຂອງນະຄອນ​ປັກ​ກິ່ງເພື່ອ​ຮັບປະກັນ​ຄຸນ​ນະພາ​ບທາງ​ອາກາດ​ໃນ​ໄລຍະ​ງານ​ກິລາ​ໂອ​ລິ​ມປິກ​ນັ້ນ​ໄດ້​ເກີດ​ມີ​ປະສິດທິພາບທີ່​ອ່າວເດັ່ນ​ຊັດ​ແລ້ວ.

ນັບ​ແຕ່​ວັນ​ທີ1ກໍລະກົດ​ນີ້​ເປັນຕົ້ນ​ໄປ,ປັກ​ກິ່ງ​ເລີ່​ມ​ໃຊ້​ມາດ​ຕະການ​ຕ່າງໆ​ເຊັ່ນ ຈຳກັດ​ລົດ​ໃຫຍ່ອອກ​ແລ່ນ​ຊົ່ວ​ຄາວ ຢຸດຕິການ​ກໍ່ສ້າງຂອງ​ໂຄງການ​ທີ່​ມີ​ຂີ້ຝຸ່ນ​ຫຼາຍ ​ແລະວິ​ສາ​ຫະກິດ​ທີ່​ມີ​ມົນ​ລະ​ພິດຫຼາຍເພີ່​ມທະວີ​ການ​ຫຼຸດ​ການ​ລະບາຍ​ອາຍ​ພິດ​ເຮືອນ​ແກ້ວ​ເປັນຕົ້ນ. ​ມາດ​ຕະຫານ​ເຫຼົ່າ​ນີ້ພ້ອມ​ກັບ​ມາດ​ຕະການ​ດັດ​ແປງ​ຄຸ້ມ​ຄອງ​ກວມ​ລວວມທີ່​ໃຊ້​ໃນ​ເມື່ອ​ກ່ອນ ຈະ​ເສີມ​ຂະຫຍາຍ​ບົດບາດ,ຮັບປະກັນອາກາດ​ຂອງ​ປັກ​ກິ່ງ​ມີ​ຄຸນ​ນະພາ​ບດີ​ໃນ​ໄລ​ຍະ​ງານ​ກິລາ​ໂອ​ລິ​ມປິກ​.