ເຈົ້າໜ້າທີ່ປັກກິ່ງກ່າວວ່າ, ລະບົບທະນາຄານປັກກິ່ງໄດ້ກຽມພ້ອມແລ້ວເພື່ອບໍລິການງານໂອລິມປິກ
-----------------------------------------------------------------------------------------------------------------
ຕາມຂ່າວCRI: ວັນທີ 26 ກໍລະກົດນີ້ຢູ່ທີ່ປັກກິ່ງ, ທ່ານໂຮ້ສວຍເຫວີງ ຮອງຫົວໜ້າຄະນະກຳມະການພັດທະນາແລະການປະຕິຮູບນະຄອນຫຼວງປັກກິ່ງກ່າວວ່າ, ລະບົບທະນາຄານປັກກິ່ງໄດ້ກຽມພ້ອມແລ້ວເພື່ອບໍລິການຂອງງານໂອລິມປິກຢ່າງເຕັມທີ່.
ທ່ານໂຮ້ສວຍເຫວີງກ່າວວ່າ, ສະພາບແວດລ້ອມໃຊ້ບັດສິນເຊື່ອຂອງປັກກິ່ງໄດ້ບັນລຸລະດັບຂອງປະເທດທີ່ພັດທະນາແລ້ວໃນຂັ້ນພື້ນຖານ. ຮອດປະຈຸບັນ, ຢູ່ເຂດອ້ອມສຳຄັນຂອງສະໜາມໂອລິມປິກປັກກິ່ງ, ທະນາຄານທີ່ສາມາດບໍລິການ ບັດທະນາຄານເງິນຕາຕ່າງປະເທດແລະໃບເຊັກມີ 1887 ແຫ່ງ, ທະນາຄານເຫຼົ່ານີ້ສາມາດຕອບສະໜອງຄວາມຕ້ອງການຂອງຄົນຈີນແລະຕ່າງປະເທດໃນຂັ້ນພື້ນຖານ. ນອກນີ້, ໃນໄລຍະງານໂອລິມປິກ, ທະນາຄານ ແລະບໍລິສັດປະກັນໄພຕ່າງໆຂອງປັກກິ່ງຈະແກ່ຍາວເວລາບໍລິການ, ເພື່ອຮັບປະກັນໃຫ້ການບໍລິການມີຄວາມປອດໄພແລະສະດວກ.
