ສັບປະດາ​ແລກປ່ຽນ​ການ​ສຶກສາລະ​ຫວ່າງ​ຈີນ​ກັບປະ​ເທດ​ອາຊ​ຽນ​ໄດ້​ໄຂ​ຂຶ້ນ​ຢູ່​ນະຄອນ​ກຸ້ຍ​ຢາງ

ຕາມ​ຂ່າວສານ​ຊິນ​ຮວາ: ວັນ​ທີ 26 ກໍລະກົດ​ນີ້, ສັບປະດາ​ແລກປ່ຽນ​ການ​ສຶກສາລະ​ຫວ່າງ​ຈີນ​ກັບປະ​ເທດ​ອາຊ​ຽນ​ໄດ້​ໄຂ​ຂຶ້ນ​ຢູ່​ນະຄອນ​ກຸ້ຍ​ຢາງ. ອົງການ​ຢູ​ເນສ​ໂກ ກອງເລຂາ​ອາຊ​ຽນ, ມະ​ຫາ​ວິທະຍາ​ໄລ 33 ​ແຫ່ງ​ຂອງ 7 ປະ​ເທດ​ອາຊ​ຽນ​ແລະ ມະ​ຫາ​ວິທະຍາ​ໄລ 18 ​ແຫ່ງ​ຂອງ​ຈີນ​ໄດ້​ເຂົ້າ​ຮ່ວມ​ສັບປະດາ​ແລກປ່ຽນ​ການ​ສຶກສາ.

ຕາມ​ຂ່າວ​ແຈ້ງວ່າ, ສັບປະດາເທື່ອ​ນີ້​ມີ​ກິດຈະກຳ​ຕ່າງໆ​ຄື"​ເວທີ​ປຶກສາ​ຫາລື​ອະທິການ​ບໍດີ​ຈີນ​ອາຊ​ຽນ""ກອງ​ປະຊຸມ​ຮ່ວມ​ມື​ການ​ສຶກສາ​ຊັ້ນ​ສູງ​ຈີນ​ອາຊ​ຽນ""ງານ​ວາງສະ​ແດງ​ການ​ສຶກສາ​ຈີນ​ອາຊ​ຽນ""​ແລະ"ງານ​ສິລະ​ປະຊາວ​ໜຸ່ມ​ຈີນ​ອາຊ​ຽນ"​ເປັນ​ຕົ້ນ, ​ແລະ​ຈະ​ເປີດ"​​ແວັບ​ໄຊ​ຂໍ້​ມູນ​ຂ່າວສານ​ການ​ສຶກສາ​ຈີນ​ອາຊ​ຽນ" ​ແລະຈະ​ຜ່ານຮັບຮອງ"ຖະ​ແຫຼ​ງການ​ກຸ້ຍ​ຢາງ"ທີ່​ມີ​ຈຸ​ປະສົງ​ຍົກ​ສູງ​ການ​ຮ່ວມ​ມື​ດ້ານ​ການ​ສຶກສາລະ ຫວ່າງ​ສອງ​ຝ່າຍ.

ທ່ານ​ຈ່າງຊິນເຊີ້ງ ລັດຖະມົນຕີ​ຊ່ອຍ​ວ່າການ​ກະຊວງສຶກສາທິການ​ຈີນ​ກ່າວ​ວ່າ, ຈີນ​​ກັບປະ​ເທດ​ອາຊ​ຽນ​ເປັນ​ປະ​ເທດ​ໃກ້​ຄຽງ,ຈີນ​​ໄດ້​ດຳ​ເນີນ​ການ​ແລກປ່ຽນ​ຢ່າງ​ຕັ້ງໜ້າ​ໂດຍ​ອີງ​ຕາມ​ທິດ​ທາງ​​ໄມຕີ​ຈິດ​ຖານ​ບ້ານ​ໃກ້​ເຮືອນຄ​ຄຽງ. ​ໃນ​ຖານະ​ເປັນ​ສັບປະດາ​ແລ​ກປ່ຽນ​ການ​ສຶກ​ສາ​ລະ​ຫວ່າງ​ຈີນ​ກັບ​ປະ​ເທດ​ອາຊ​ຽນຄັ້ງ​ທຳ​ອິດ, ສັບປະດາ​ແລກປ່ຽນ​ການ​ສຶກສາ​ເທື່ອ​ນີ້​ມີ​ຄວາມ​ໝາຍ​ສຳຄັນ​ທີ່​ສຸດ.