ລັດຖະບານຈີນຈະຕັ້ງປະລິນຍາໂທວິຊາຄຸ້ມຄອງບໍລິຫານສຳລັບນັກສຶກສາປະເທດພວມພັດທະນາ

(GMT+08:00) 2008-07-28 11:06:51 cri
-----------------------------------------------------------------------------------------------------------------

ຕາມຂ່າວສານຊິນຮວາ,ໃນເວລາເຂົ້າຮ່ວມສັບປະດາແລກປ່ຽນການສຶກສາຈີນ-ອາຊຽນຄັ້ງທຳອິດທີ່ຈັດຂຶ້ນຢູ່ນະຄອນກຸ້ຍຢາງຂອງຈີນໃນວັນທີ26ກໍລະກົດນີ້,ທ່ານຈ່າງຊິນເຊິ້ງ ລັດຖະມົນຕີຊ່ວຍວ່າການກະຊວງສຶກສາທິການຈີນກ່າວວ່າ,ເດືອນຕຸລາປີນີ້,ລັດຖະບານຈີນຈະມອບໝາຍໃຫ້ມະຫາວິທະຍາໄລປັກກິ່ງແລະມະຫາວິທະຍາໄລຊິງຮວາ,ຕັ້ງລາຍປະລິນຍາໂທວິຊາຄຸ້ມຄອງບໍລິຫານສຳລັບນັກສຶກສາປະເທດພວມພັດທະນາ.

ຂ່າວແຈ້ງວ່າ,ການຕັ້ງປະລິນຍາໂທວິຊາຄຸ້ມຄອງບໍລິຫານເທື່ອນີ້ຈຸດໝາຍຕົ້ນຕໍເພື່ອບຳລຸງສ້າງຜູ່ ຄຸ້ມຄອງບໍລິຫານຊັ້ນສູງໃຫ້ແກ່ລັດຖະບານ,ໂຮງຮຽນແລະອົງການອື່ນໆຂອງປະເທດພວມພັດທະນາ,ຜູ່ຄຸ້ມຄອງບໍລິຫານຊັ້ນສູງຂອງປະເທດພວມພັດທະນາເຊິ່ງລວມທັງປະເທດອາຊຽນແລະອາຟິຼກກາລ້ວນແຕ່ສະເໜີຊື່ເຂົ້າຮ່ວມໄດ້.ຕາມແຜນການເບື້ອງຕົ້ນຕ່າງຈະຕັ້ງຫ້ອງຮຽນຫ້ອງໜຶ່ງຢູ່ມະຫາວິທະຍາໄລປັກກິ່ງແລະມະຫາວິທະຍາໄລຊິງຮວາ,ແຕ່ລະຫ້ອງຮັບເອົາ20ຫາ40ຄົນ.ປັດຈຸບັນເລີ່ມຕົ້ນການສະເໜີຊື່ແລ້ວ,ການສະເໜີຊື່ຈະສິ້ນສຸດລົງໃນທ້າຍເດືອນສິງຫາ.

ໂຄງການດັ່ງກ່າວຈະສະໜອງທຶນສຶກສາທັງໝົດເຊິ່ງລວມທັງຄ່າເດີນທາງສາກົນໃຫ້ນັກສຶກສາທຸກຄົນ.

ຂ່າວ-ບົດທີ່ກ່ຽວຂ້ອງ

ຄຳເຫັນ

ລັດ​ຖະ​ບານ​ຈີນ​ຈະ​ຕັ້ງ​ປະ​ລິນ​ຍາ​ໂທ​ວິ​ຊາ​ຄຸ້ມ​ຄອງ​ບໍ​ລິ​ຫານ​ສຳ​ລັບ​ນັກ​ສຶກ​ສາ​ປະ​ເທດ​ພວມ​ພັດ​ທະ​ນາ

ລັດຖະບານຈີນຈະຕັ້ງປະລິນຍາໂທວິຊາຄຸ້ມຄອງບໍລິຫານສຳລັບນັກສຶກສາປະເທດພວມພັດທະນາ