ທ່ານ​ບານ​ກີ​ມູນ​ຮຽກຮ້ອງ​ໃຫ້​ທົ່ວ​ໂລກ"ຢຸດຕິ​ສົງຄາມ​​ໃນ​ໄລຍະ​ງານ​ກິລາ​ໂອ​ລິ​ມປິກ"

ຕາມ​ຂ່າວCRI:​ເນື່ອງ​ໃນ​ໂອກາດ​ງານ​ກິລາ​ໂອ​ລິ​ມ​ປິກ​ປັກ​ກິ່ງ​ຈະ​ໄຂ​ຂຶ້ນ​ໃນ​​ໄວໆ​ນີ້,ວັນ​ທີ 28 ກໍ​ລະ​ກົດ​ນີ້,ທ່ານ​ບານ​ກີ​ມູນ ​ເລ​ຂາ​ທິ​ການ​ໃຫຍ່​ສະຫະ​ປະຊາ​ຊາດ​ໄດ້​ອອກ​ຖະ​ແຫຼ​ງການ​ຮຽກ​ຮ້ອງ​ໃຫ້​ທົ່ວ​ໂລກ"ຢຸດຕິ​ສົງຄາມ​ໃນ​ໄລຍະ​ງານ​ກິລາ​ໂອ​ລິ​ມປິກ",​ໃນ​ໄລຍະ​ນີ້,ຝ່າຍ​ຕ່າງໆ​ຄວນຢຸດຕິ​ການ​ເຄື່ອນ​ໄຫວທີ່​ເປັນ​ປໍ​ລະ​ປັກ​ກັນ​.

ທ່ານ​ບານ​ກີ​ມູນ​ກ່າວ​ວ່າ,​ເຖິງ​ວ່າ​ການ"ຢຸດຕິ​ສົງ​ຄາມ​ໃນ​ໄລຍະ​ງານ​ກິລາ​ໂອ​ລິມປິກ"ພຽງ​ແຕ່​ຈຳກັດ​ໃນ​ໄລຍະ​ງານ​ກິລາ​ໂອ​ລິ​ມ​ປິກ​ເທົ່າ​ນັ້ນ,​ແຕ່​ມັນ​ກໍ່​ສາມາດ​ເຮັດ​ໃຫ້​ຝ່າຍ​ຕ່າງໆ​ທີ່​ສູ້​ຮົບ​ກັນ​ພິຈາລະນາຄືນ​ໃໝ່​ຕໍ່​ຄວາມ​ເສຍ​ຫາຍ​ອັນ​ໃຫຍ່​ຫຼວງທີ່​ສົງຄາມ​ກໍ່​ຂຶ້ນ​,ພ້ອມ​ກັນ​ນັ້ນ,ກໍ່ສ້າງ​ເງື່ອນ​ໄຂ​ໃຫ້​ແກ່​ຝ່າຍ​ຕ່າງໆ​ເພື່ອດຳ​ເນີນ​ການ​ເຈລະຈາ,​ແລະ​ມີ​ຜົນ​ດີ​ຕໍ່​ການ​ສະໜອງ​ການຊ່ວຍ​ເຫຼືອ​ໃຫ້​ແກ່​ປະຊາຊົນ​ໃນເຂດທີ່​​ເກີດ​ການ​ປະ​ທະ​ກັນ.ທ່ານ​ກ່າວ​ວ່າ,ການ"ຢຸດຕິ​ສົງຄາມ​ໃນ​ໄລຍະ​ງານ​ກິລາ​ໂອ​ລິ​ມປິກ"ສາມາດຢັ້ງຢືນ​ໃຫ້​ທົ່ວ​ໂລກ​ເຫັນ​ວ່າ,ຂໍແຕ່​ຝ່າຍ​ຕ່າງໆ​ທີ່​ສູ້​ຮົບ​ກັນ​ລ້ວນ​​ແຕ່​ໄດ້ສະ​ແດງ​ຄວາມ​ເຄົາລົບ​ແລະ​ປະຕິບັດ​ເລື່ອງ​ນີ້​ແລ້ວ,​ເຖິງ​ວ່າຢູ່​ຕໍ່ໜ້າ​ການ​ປະ​ທະ​ກັນ​ທີ່​ແກ້​ໄຂ​ຍາກທີ່​ສຸດ,ສັນຕິພາບ​ກໍ່​ສາມາດປະກົດ​ເປັນ​ຈິງ​ໄດ້.