ຈີນປະທ້ວງຢ່າງຮຸນແຮງຕໍ່ສະພາຕ່ຳອາເມລິກາທີ່ຮັບຮອງຍັດຕິກ່ຽວກັບງານກິລາໂອລິມປິກປັກກິ່ງ
(GMT+08:00) 2008-07-31 10:31:42 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI: ວັນທີ31ກໍລະກົດນີ້ ຢູ່ປັກກິ່ງ ທ່ານລິວຈ້ຽນຊ່າວ ໂຄສົກກະຊວງການຕ່າງປະເທດຈີນກ່າວວ່າ,ຈີນປະທ້ວງຢ່າງຮຸນແຮງຕໍ່ເຈົ້າໜ້າທີ່ບໍລິຫານແລະລັດຖະສະພາຂອງອາເມລິກາກ່ຽວກັບສະພາຕ່ຳອາເມລິກາຮັບຮອງຍັດຕິກ່ຽວກັບງານກິລາໂອລິມປິກປັກກິ່ງ,ທວງໃຫ້ອາເມລິກາສະກັດກັ້ນການກະທຳອັນຊົ່ວຮ້າຍຂອງສະມາຊິກລັດຖະສະພາຈຳນວນໜຶ່ງທີ່ຄັດຄ້ານຈີນນັ້ນຢ່າງແທ້ຈິງ.
ຕາມຂ່າວແຈ້ງວ່າ,ຫວ່າງມໍ່ໆນີ້ ສະພາຕ່ຳອາເມລິກາໄດ້ພິຈາລະນາຮັບຮອງຍັດຕິກ່ຽວກັບງານກິລາໂອລິມປິກປັກກິ່ງ,ຮຽກຮ້ອງໃຫ້ລັດຖະບານຈີນຢຸດຕິ"ການລ່ວງລ້ຳ"ສິດທິມະນຸດ,ຢຸດຕິການສະໜັບສະໜູນລັດຖະບານຊູດັງແລະມຽນມາ,ເພື່ອຮັບປະກັນໃຫ້ດຳເນີນງານກິລາໂອລິມປິກປັກກິ່ງພາຍໃຕ້ບັນຍາກາດ"ປະຕິບັດຕາມຄວາມມູນເຊື້ອໃນທາງອິດສະຫຼະແລະໄຂປະຕູຂອງງານກິລາໂອລິມປິກ".
ທ່ານລິວຈ້ຽນຊ່າວກ່າວວ່າ,ສະພາຕ່ຳອາເມລິກາບໍ່ເອົາຫົວຊານຳການຄັດຄ້ານຢ່າງເດັດຂາດຂອງຈີນ,ຕັ້ງແກ້ງຮັບຮອງຍັດຕິສະບັບດັ່ງກ່າວທີ່ມີສະມາຊິກລັດຖະສະພາຈຳນວນໜ້ອຍທີ່ມັກຄັດຄ້ານຈີນເປັນຜູ່ຊຸກຍູ້,ເປີດເຜີຍເຈດຕະນາອັນຊົ່ວຮ້າຍຂອງເຂົາເຈົ້າທີ່ຢາກຫັນງານກິລາໂອລິມປິກເປັນບັນຫາການເມືອງເພື່ອລົບກວນແລະທຳລາຍງານກິລາໂອລິມປິກປັກກິ່ງຢ່າງເຕັມທີ່.ການກະທຳດັ່ງກ່າວໄດ້ຢຽບຍ່ຳນ້ຳໃຈກິລາໂອລິມປິກ,ທັງຝ່າຝືນຄວາມມຸ່ງໝາດປາຖະໜາຮ່ວມຂອງປະຊາຊົນປະເທດຕ່າງໆໃນໂລກຊຶ່ງລວມທັງອາເມລິກາ.
ທ່ານກ່າວວ່າ,ການຈັດງານກິລາໂອລິມປິກເທື່ອໜຶ່ງຢ່າງສຳເລັດຜົນແມ່ນຄວາມຫວັງຮ້ອຍປີຂອງປະຊາຊົນຈີນ,ກໍແມ່ນຄວາມຄອງຄອຍຮ່ວມຂອງປະຊາຊົນທົ່ວໂລກ.ພວກຂ້າພະເຈົ້າເຊື່ອໝັ້ນວ່າ,ໃຕ້ຄວາມພະຍາຍາມຮ່ວມແລະການສະໜັບສະໜູນຈາກວົງຄະນາຍາດໂອລິມປິກ,ງານກິລາໂອລິມປິກປັກກິ່ງຍ່ອມຈະສາມາດຈັດໃຫ້ເປັນງານມະໂຫລານກິລາໂລກທີ່ມີເອກະລັກແລະລະດັບສູງຢ່າງແນ່ນອນ.ພວກຂ້າພະເຈົ້າຂໍເຕືອນໃຫ້ອິດທິກຳລັງຄັດຄ້ານຈີນຂອງອາເມລິກາຈຳນວນໜ້ອຍຈົ່ງເຫັນແຈ້ງສະພາບການຕົວຈິງ,ປ່ຽນແປງຄວາມຄຶດແລະການກະທຳ,ເພື່ອຫຼີກເວັ້ນການທຳລາຍພາບພົດຂອງຕົນຕື່ມອີກ.
ຕາມຂ່າວແຈ້ງວ່າ,ຫວ່າງມໍ່ໆນີ້ ສະພາຕ່ຳອາເມລິກາໄດ້ພິຈາລະນາຮັບຮອງຍັດຕິກ່ຽວກັບງານກິລາໂອລິມປິກປັກກິ່ງ,ຮຽກຮ້ອງໃຫ້ລັດຖະບານຈີນຢຸດຕິ"ການລ່ວງລ້ຳ"ສິດທິມະນຸດ,ຢຸດຕິການສະໜັບສະໜູນລັດຖະບານຊູດັງແລະມຽນມາ,ເພື່ອຮັບປະກັນໃຫ້ດຳເນີນງານກິລາໂອລິມປິກປັກກິ່ງພາຍໃຕ້ບັນຍາກາດ"ປະຕິບັດຕາມຄວາມມູນເຊື້ອໃນທາງອິດສະຫຼະແລະໄຂປະຕູຂອງງານກິລາໂອລິມປິກ".
ທ່ານລິວຈ້ຽນຊ່າວກ່າວວ່າ,ສະພາຕ່ຳອາເມລິກາບໍ່ເອົາຫົວຊານຳການຄັດຄ້ານຢ່າງເດັດຂາດຂອງຈີນ,ຕັ້ງແກ້ງຮັບຮອງຍັດຕິສະບັບດັ່ງກ່າວທີ່ມີສະມາຊິກລັດຖະສະພາຈຳນວນໜ້ອຍທີ່ມັກຄັດຄ້ານຈີນເປັນຜູ່ຊຸກຍູ້,ເປີດເຜີຍເຈດຕະນາອັນຊົ່ວຮ້າຍຂອງເຂົາເຈົ້າທີ່ຢາກຫັນງານກິລາໂອລິມປິກເປັນບັນຫາການເມືອງເພື່ອລົບກວນແລະທຳລາຍງານກິລາໂອລິມປິກປັກກິ່ງຢ່າງເຕັມທີ່.ການກະທຳດັ່ງກ່າວໄດ້ຢຽບຍ່ຳນ້ຳໃຈກິລາໂອລິມປິກ,ທັງຝ່າຝືນຄວາມມຸ່ງໝາດປາຖະໜາຮ່ວມຂອງປະຊາຊົນປະເທດຕ່າງໆໃນໂລກຊຶ່ງລວມທັງອາເມລິກາ.
ທ່ານກ່າວວ່າ,ການຈັດງານກິລາໂອລິມປິກເທື່ອໜຶ່ງຢ່າງສຳເລັດຜົນແມ່ນຄວາມຫວັງຮ້ອຍປີຂອງປະຊາຊົນຈີນ,ກໍແມ່ນຄວາມຄອງຄອຍຮ່ວມຂອງປະຊາຊົນທົ່ວໂລກ.ພວກຂ້າພະເຈົ້າເຊື່ອໝັ້ນວ່າ,ໃຕ້ຄວາມພະຍາຍາມຮ່ວມແລະການສະໜັບສະໜູນຈາກວົງຄະນາຍາດໂອລິມປິກ,ງານກິລາໂອລິມປິກປັກກິ່ງຍ່ອມຈະສາມາດຈັດໃຫ້ເປັນງານມະໂຫລານກິລາໂລກທີ່ມີເອກະລັກແລະລະດັບສູງຢ່າງແນ່ນອນ.ພວກຂ້າພະເຈົ້າຂໍເຕືອນໃຫ້ອິດທິກຳລັງຄັດຄ້ານຈີນຂອງອາເມລິກາຈຳນວນໜ້ອຍຈົ່ງເຫັນແຈ້ງສະພາບການຕົວຈິງ,ປ່ຽນແປງຄວາມຄຶດແລະການກະທຳ,ເພື່ອຫຼີກເວັ້ນການທຳລາຍພາບພົດຂອງຕົນຕື່ມອີກ.
ຂ່າວ-ບົດທີ່ກ່ຽວຂ້ອງ
ຄຳເຫັນ
