ທ່ານຫູຈີນທາວກ່າວວ່າງານກິລາໂອລິມປິກປັກກິ່ງຈະໃຫ້ປະຊາຊົນບັນດາປະເທດໃນທົ່ວໂລກເບີກບານມ່ວນຊື່ນຮ່ວມກັນ

(GMT+08:00) 2008-08-01 15:43:07 cri
-----------------------------------------------------------------------------------------------------------------

ຕາມຂ່າວ cri:ວັນທີ 1 ສິງຫານີ້, ຢູ່ປັກກິ່ງ, ທ່ານຫູຈີນທາວ ປະທານປະເທດຈີນໄດ້ໃຫ້ສຳພາດຕໍ່ສື່ມວນຊົນຕ່າງປະເທດທີ່ປະຈຳຢູ່ຈີນ, ທ່ານກ່າວວ່າ, ງານກິລາໂອລິມປິກປັກກິ່ງຈະເຮັດໃຫ້ປະຊາຊົນໃນທົ່ວໂລກເບີກບານມ່ວນຊື່ນຮ່ວມກັນ.

ທ່ານຫູຈີນທາວເຫັນວ່າ, ການຈັດງານກິລາໂອລິມປິກໃຫ້ສຳເລັດຜົນ,ປັດໄຈສຳຄັນແມ່ນຕ້ອງເສີມຂະຫຍາຍນ້ຳໃຈໂອລິມປິກຄື ເສີມຂະຫຍາຍມິດຕະພາບ ສາມັກຄີແລະສັນຕິພາບ;ຕ້ອງສະຫນອງເວທີການແຂ່ງຂັນທີ່ຍຸດຕິທຳໃຫ້ນັກກິລາປະເທດຕ່າງໆ,ໃຫ້ພວກເຂົາເຈົ້າສາມາດແຂ່ງຂັນຢ່າງມີສີສັນແລະມີລະດັບສູງ;ຜ່ານຈາກງານກິລາໂອລິມປິກຕ້ອງໃຫ້ເພື່ອນຈາກ 5 ທະຫາທະວີບເພີ່ມທະວີຄວາມເຂົ້າໃຈກັນແລະມີມິດຕະພາບຢ່າງເລິກເຊິ່ງ.

ໃນເວລາຕອບຄຳຖາມຂອງນັກຂ່າວ, ທ່ານຍັງກ່າວວ່າ,ບໍ່ຄວນປະເມີນບົດບາດຂອງງານກິລາໂອລິມປິກທີ່ມີຕໍ່ການຊຸກຍູ້ການພັດທະນາເສດຖະກິດຂອງຈີນສູງເກີນໄປ.ທ່ານກ່າວເນັ້ນວ່າ, ຈີນຈະສືບຕໍ່ຊຸກຍູ້ການປະຕິຮູບຮອບດ້ານເຊິ່ງລວມທັງການປະຕິຮູບທາງການເມືອງ, ເພື່ອຮັບປະກັນສິດທິຂອງປະຊາຊົນໃຫ້ດີກວ່າເກົ່າ;ແລະກ່າວຢ້ຳວ່າ,ຈີນທີ່ປະຕິບັດນະໂຍບາຍແບບປ້ອງກັນປະເທດນັ້ນຈະບໍ່ແຜ່ອຳນາດຈົນເທົ່າໃດໆ ,ການພັດທະນາຂອງຈີນຈະບໍ່ກະທົບແລະບໍ່ຂົ່ມຂູ່ເຖິງຜູ່ອື່ນ.

ຂ່າວ-ບົດທີ່ກ່ຽວຂ້ອງ

ຄຳເຫັນ