ທ່ານ​ຣັອກ​ເກ​ຍ້ອງ​ຍໍ​ວຽກ​ງານ​ຈັດ​ຕັ້ງ​ງານ​ໂອ​ລິມ​ປິກ​ປັກ​ກິ່ງ​ວ່າ​ຈົບ​ງາມ​ທີ່​ສຸດ

ຕາມ​ຂ່າວສານ​ຊິນ​ຮວາ,ວັນ​ທີ2​ສິງຫາ​ນີ້,ອະນຸ​ກຳມະການບໍລິຫານ​ງານ​ຂອງ​ຄະນະ​ກຳມະການ​ໂອ​ລິ​ມປິກ​ສາກົນ​ໄດ້​ຈັດ​ກອງ​ປະຊຸມ​ຢູ່​ປັກ​ກິ່ງ​ເພື່ອຮັບ​ຟັງ​ຄະ​ນະ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ​ແຈ້ງ​ສະພາບ​ການ​ກະກຽມ​ງານກິລາ​ໂອ​ລິ​ມປິກ​ເປັນ​ເທື່ອ​ສຸດ​ທ້າຍ.​ໃນ​ງານ​ຖະ​ແຫຼ​ງຂ່າວ​ຫຼັງ​ກອງປະຊຸມ,ທ່ານ​ຢາກຣັອກ​ເກ ປະທານ​ຄະນະ​ກຳມະການ​ໂອ​ລິ​ມປິກ​ສາກົນ​ໄດ້​ໃຫ້ການ​ຕີ​ລາ​ຄາ​ແລະ​ຄວາມ​ຍ້ອງຍໍ​ໃນ​ລະດັບ​ສູງ​ຕໍ່​ວຽກ​ງານ​ການຈັດ​ຕັ້ງ​ທີ່​ຈົບງາມ​ຂອງ​ເຈົ້າພາບ​ຈີນ.

ທ່ານຣັອກເກ​ກ່າວ​ວ່າ,ອະນຸ​ກຳມະການ​ບໍລິຫານ​ງານ​ໄດ້​ຮັບ​ການ​ລາຍ​ງານ​ຈາກ​ຄະນະ​ກຳມະການ​ໂອ​ລິ​ມປິກ​ຂອງ​ປະ​ເທດ​ແລະ​ເຂດ​ແຄວ້ນ​ຕ່າງໆ​ພ້ອມ​ດ້ວຍ​ສະມາຄົມ​ກິລາ​ລາຍການ​ດ່ຽວ​ສາ​ກົນ​ໂດຍ​ກ່າວ​ວ່າ,​ເຂົາ​ເຈົ້າລ້ວນ​ແຕ່​ຮູ້ສຶກ​ເພິ່ງ​ພໍ​ໃຈ​ນຳ​ວຽກ​ງານ​ການຈັດ​ຕັ້ງ​ຂອງ​ປັກ​ກິ່ງ.