ທວນ​ໄຟ​ໂອ​ລິ​ມປິກ​ສົ່ງ​ຕໍ່​ຢູ່​ເມືອງ​ກວາງ​ອ່ານ​ແຂວງ​ເສ​ສວນ

ຕາມ​ຂ່າວCRI,ຕອນ​ເຊົ້າ​ວັນ​ທີ3​ສິງຫາ​ນີ້,​ທວນ​ໄຟ​ງານ​ກິລາ​ໂອ​ລິ​ມປິກ​ປັກ​ກິ່ງ​ໄດ້​ສົ່ງ​ຕໍ່​ຢູ່​ເມືອງ​ກວາງ​ອ່ານ ​ແຂວງ​ເສ​ສວນ ທາງ​ພາກ​ຕາ​ເວັນ​ຕົກ​ສຽງ​ໃຕ້​ຂອງ​ຈີນ​,​ເມືອງ​ນີ້​ແມ່ນ​ບ້ານ​ເກີດ​ຂອງ​ທ່ານ​​ເຕິ້ງ​ສ້ຽວ​ພິງ ນາຍຊ່າງ​ໃຫຍ່​ອອກ​ແບບ​ການ​ປະຕິ​ຮູບ​ແລະ​ໄຂ​ປະຕູ​ສູ່​ພາຍ​ນອກ​ແລະ​ສ້າງສາ​​ໃຫ້​ເປັນ​ທັນ​ສະ​ໄໝ​ຂອງ​ຈີນ.

ນາງຈຽງມິນ ຜູ່ສົ່ງຕໍ່ຜູ່ທຳອິດ

ກ່ອນ​ສົ່ງ​ຕໍ່​ທວນ​ໄຟ,ຜູ່​ຮ່ວມ​ພິທີ​ທຸກ​ຄົນ​ໄດ້​ຢືນ​ສະຫງົບ​ນິ້ງກົ້ມ​ຫົວ​ໄວ້ອາ​ໄລ1ນາທີ​ເຖິງ​ດວງ​ວິນ​ຍານ​ຂອງ​ພີ່ນ້ອງ​ຮ່ວມ​ຊາດ​ທີ່​ເສຍ​ຊີວິດ​ໃນ​ແຜ່ນດິນ​ໄຫວ​ຮ້າຍ​ແຮງ​ຢູ່​ເມືອງ​ເວີ້​ນຊ່ວນ. ​ເວລາ7​ໂມງ45​ນາທີ ​ເວລາ​ປັກ​ກິ່ງ,ພິທີ​ເລີ່​ມ​ແລ່ນ​ສົ່ງ​ຕໍ່​ທວນ​ໄຟ​ໄດ້​ຈັດ​ຂຶ້ນ​ຢູ່​ສະໜາມ​ຫຼວງ​ຫໍ​ວາງສະ​ແດງ​ເຮືອນ​ເກົ່າ​ຂອງ​ທ່ານ​ເຕີ້ງສ້ຽວ​ພິງ.ຜູ່​ສົ່ງ​ຕໍ່​ທວນ​ໄຟ​ຜູ່​ທຳ​ອິດ​ແມ່ນ​ນາງ​ຈຽງ​ມິນ ວິລະຊົນ​ກູ້​ໄພ​ແຜ່ນດິນ​ໄຫວ. ທວນ​ໄຟ​​ເລີ່​ມຈາກສະໜາມ​ຫຼວງ​ຫໍ​ວາງສະ​ແດງ​ເຮືອນ​ເກົ່າ​​ເຕິ້ງ​ສ້ຽວ​ພິງ,​ແລ້ວ​ຜ່ານ​ສະໜາມຫຼວງ​ຮູບ​ປັ້ນ​ທອງຂອງ​ທ່ານ​ເຕິ້ງ​ສ້ຽວ​ພິງ,ປະຕູ​ ​ໃຕ້​ຂອງ​ສວນ​ບ້ານ​ເກີດ​ຂອງ​ທ່ານ​ເຕິ້ງ​ສ້ຽວ​ພິງ​ແລະ​ແຫ່ງອື່ນໆ,​ເວລາ9​ໂມງປາຍ,ທວນ​​ໄຟ​ສົ່ງ​ໄປ​ຮອດ​ຈຸດ​ສຸດ​ທ້າຍ​ຢູ່​ສູນ​ປະຊຸມ​ແລະກາ​ນວາງສະ​ແດງ​ກວາງ​ອ່ານ,​ໄລຍະ​ທາງ​ຍາວ7,3ກິ​ໂລ​ແມັດ.

ໄວ້ອາໄລເຖິງດວງວິນຍານຂອງຜູ່ເສຍຊີວິດໃນແຜ່ນດິນໄຫວຮ້າຍແຮງຢູ່ເມືອງເວີ້ນຊ່ວນ

ວັນ​ທີ4​ສິງຫາ​ນີ້,ທວນ​ໄຟ​ໂອ​ລິ​ມປິກ​ຈະ​ໄປ​ສົ່ງ​ຕໍ່​ຢູ່​ເມືອງ​ເລີ້​ຊ່ານ​ແຂວງ​​ເສ​ສວນ.

ການສົ່ງຕໍ່ທວນໄຟຜ່ານຮູບປັ້ນທອງຂອງທ່ານເຕິ້ງສ້ຽວພິງ