ມາດຕະການຊົ່ວຄາວເພື່ອຫຼຸດມົນລະພິດຢູ່ປັກກິ່ງພວມໄດ້ຮັບຜົນຢ່າງເດັ່ນຊັດ

(GMT+08:00) 2008-08-04 17:52:35 cri
-----------------------------------------------------------------------------------------------------------------

ຕາມຂ່າວສານຊິນຮວາ,ໃນກອງປະຊຸມຂ່າວທີ່ຈັດຂຶ້ນຢູ່ປັກກິ່ງໃນວັນທີ4ສິງຫານີ້,ທ່ານຕູ້ຊ້າວຈົ່ງ ຮອງຫົວໜ້າທັງເປັນໂຄສົກຂ່າວຂອງພະແນກອະນຸລັກສິ່ງແວດລ້ອມນະຄອນປັກກິ່ງກ່າວວ່າ,ມາດຕະການຊົ່ວຄາວກ່ຽວກັບຫຼຸດການລະບາຍມົນລະພິດໃນໄລຍະຈັດງານກິລາໂອລິມປິກ ປັກກິ່ງທີ່ພວມປະຕິບັດໃນປັດຈຸບັນໄດ້ຮັບ ຜົນຢ່າງເດັ່ນຊັດ,ອັນໄດ້ຮັບປະກັນຄຸນນະພາບອາກາດໃນຍາມຈັດງານກິລາໂອລິມປິກຢ່າງແຂງແຮງ.

ທ່ານກ່າວວ່າ,ນັບແຕ່ຕົ້ນເດືອນກໍລະກົດປີນີ້ມາ,ຄຸນນະພາບອາກາດຂອງປັກກິ່ງໄດ້ຮັບການປັບປຸງໃຫ້ດີຂຶ້ນຕື່ມອີກເມື່ອທຽບໃສ່ໄລຍະດຽວກັນຂອງປີກາຍນີ້.ໂດຍສະເພາະແມ່ນພາຍຫຼັງປະຕິບັດລະບຽບການຈຳກັດການແລ່ນລົດຕາມປ້າຍຄີກປ້າຍຄູ່ໃນວັນທີ20ກໍລະກົດແລ້ວນີ້ເປັນຕົ້ນໄປ, ມົນລະພິດຊະນິດຕ່າງໆທີ່ເກີດຂຶ້ນຍ້ອນຄວັນລົດໄດ້ຫຼຸດໜ້ອຍລົງ ຢ່າງເດັ່ນຊັດ.

ຜູ່ຊ່ຽວຊານເຫັນວ່າ,ໃນໄລຍະງານກິລາໂອລິມປິກປັກກິ່ງ,ເຖິງຈະຢູ່ໃຕ້ເງື່ອນໄຂອາກາດທີ່ບໍ່ດີປານໃດ,ຄວາມສ່ຽງທີ່ຄຸນນະພາບອາກາດຕ່ຳກວ່າມາດຕະຖານມົນລະພິດນັ້ນກໍ່ພວມຫຼຸດລົງຢ່າງຫຼວງຫຼາຍ.

ຂ່າວ-ບົດທີ່ກ່ຽວຂ້ອງ

ຄຳເຫັນ

ມາດ​ຕະ​ການ​ຊົ່ວ​ຄາວ​ເພື່ອ​ຫຼຸດ​ມົນ​ລະ​ພິດ​ຢູ່​ປັກ​ກິ່ງ​ພວມ​ໄດ້​ຮັບ​ຜົນ​ຢ່າງ​ເດັ່ນ​ຊັດ

ມາດຕະການຊົ່ວຄາວເພື່ອຫຼຸດມົນລະພິດຢູ່ປັກກິ່ງພວມໄດ້ຮັບຜົນຢ່າງເດັ່ນຊັດ