ຄະ​ນະ​ນັກ​ກິ​ລາ​ຂອງ​158​ປະ​ເທດ​ແລະ​ເຂດ​ແຄວ້ນ ​ເຂົ້າ​ສູ່​ບ້ານ​ໂອ​ລິ​ມປິກ​ແລ້ວ

ຕາມ​ຂ່າວສາ​ນຊິນ​ຮວາ:ວັນ​ທີ4​ສິງຫາ​ນີ້,ທ່ານ​ວ່າງ​ຊືລິນ ຮອງ​ຫົວໜ້າ​ອະນຸ​ກຳ​ມະ​ການ​ພົວ​ພັນ​ສາ​ກົນ​ຂອງ​ຄະ​ນະ​ກຳ​ມະ​ການ​ຈັດ​ຕັ້ງ​ງານ​ກິ​ລາ​ໂອ​ລິມ​ປິກ​ປັກ​ກິ່ງ​ກ່າວ​ວ່າ,ນັບ​ມາ​ຮອດ​ວັນ​ທີ3​ສິງຫາ​ນີ້,​ໃນ​ຄະນະນັກ​ກິລາ​ຂອງ205​ປະ​ເທດ​ແລະ​ເຂດ​ແຄວ້ນ​ທີ່​ຈະ​ເຂົ້າ​ຮ່ວມ​ງານ​ກິລາ​ໂອ​ລິ​ມປິກ​ປັກ​ກິ່ງ​ນັ້ນ,​ ມີ158​ຄະນະ​ໄດ້​ເຂົ້າສູ່ບ້ານ​ໂອ​ລິ​ມ​ປິກ​ແລ້ວ.

ໃນ​ກອງ​ປະຊຸມ​ຂ່າວ​ທີ່​ສູນ​ຖະ​ແຫຼ​ງຂ່າວ​ງານ​ກິລາ​ໂອ​ລິ​ມປິກ​ຈັດ​ຂຶນ​ໃນ​ມື້​ດຽວ​ກັນ,ທ່ານ​ວາງ​ຊືລິນ​ຍັງ​ແຈ້ງ​ໃຫ້​ຊາບ​ວ່າ,​ເພື່ອ​ອຳນວຍ​ການ​ບໍ​ລິ​ການ​ດ້ານ​ພາສາ​ທີ່​ມີ​ຄຸນ​ນະພາ​ບສູງ,ຄະ​ນະ​ກຳ​ມະ​ການ​ຈັດ​ງານ​ກິລາ​ໂອ​ລິ​ມປິກ​ຮັບປະກັນ​ໃຫ້​ຜູ່​ຊ່ວຍ​ຕິດ​ຕໍ່​ພົວພັນ​ແລະ​ພະນັກງານ​ຕິດຕາມ​ທຸກ​ຄົນ​ລ້ວນ​ແຕ່​ມີ​ຄວາມ​ສາມາດ​ສູງ​ໃນ​ການ​ສື່ສານ​ດ້ານພາສາ.ນອກ​ນີ້,ທິມງານ​ບໍລິການ​ດ້ານ​ພາສາ​ຍັງ​ໄດ້​ສ້າງ​ສູນ​ບໍລິການ​ດ້ວຍ​ຫຼາຍ​ພາສາ​ໂດຍ​ສະ​ເພາະ,​ເຊິ່ງມີ44​ພາສາ.ສະມາຊິກ​ຂອງ​ມະຫາ​ຄອບຄົວ​ໂອ​ລິ​ມປິກ​ຈະໄດ້​ຮັບ​ການ​ບໍລິການ​ດ້ານ​ນີ້​ໂດຍ​ຜ່ານ​ຈາກ​ຜູ່​ອຳ​ນວຍ​ຄວາມ​ສະ​ດວກ​ດ້ານ​ພາ​ສາ​ຂອງ​ສະໜາມກິລາ​ແຫ່ງ​ຕ່າງໆ​.