ສື່​ມວນ​ຊົນ​ໄທ​ກ່າວ​ວ່າ, ບ້ານ​ໂອ​ລິມ​ປິກ​ປັກ​ກິ່ງ​ໄດ້​ສ້າງ​ພາບ​ປະ​ທັບ​ໃຈ​ເລິກ​ເຊິ່ງ​ໃຫ້​ແກ່​ຄະ​ນະ​ນັກ​ກິ​ລາ​ປະ​ເທດ​ຕ່າງໆ

ຕາມ​ຂ່າວCRI: ຫວ່າງ​ມໍ່ໆ​ນີ້, ໜັງສືພິມ​ມະ​ຕິ​ຊົນ​ຂອງໄທ​ໄດ້​​​ແນະນຳ​ບ້ານ​ໂອ​ລິມປິກ​ປັກ​ກິ່ງດ້ວຍ​ຮູບ​ພາບ​​ແລະ​ຕົວ​ໜັງສື, ​ແລະ​ກ່າວ​ວ່າ, ບ້ານ​ນີ້ທັງ​ອະນຸລັກ​ສິ່ງ​ແວດ​ລ້ອມ​ທັງ​ປະ​ຢັດ​ພະລັງງານ, ທັງ​ທັນ​ສະ​ໄໝ​ທັງ​ເປັນ​ແບບບູຮານ", ​ເຮັດ​ໃຫ້​ຄະນະ​ນັກ​ກິລາ​ຂອງ​ປະ​ເທດ​ຕ່າງໆ​ທີ່​ເຂົ້າພັກ​ຢູ່​ໃນ​ບ້ານ​ຢ່າງ​ຕໍ່​ເນື່ອງ​ກັນນັ້ນມີ​ພາບ​ປະ​ທັບ​ໃຈ​ອັນ​ເລິກ​ເຊິ່ງ.

ບົດ​ຄວາມ​ຊີ້​ອອກ​ວ່າ, ບ້ານ​ໂອ​ລິ​ມປິກ​ປັກ​ກິ່ງ​ໄດ້​ສ່ອງ​ແສງ​ໃຫ້​ເຫັນ​ທັດສະນະ​ຄະຕິ​ທີ່​ວ່າ"​ໂອ​ລິ​ມປິກ​ສີ​ຂຽວ"ຢ່າງ​ເຕັມ​ສ່ວນ, ​ໄດ້​ໃຊ້​ເຕັກນິກ​ກໍ່ສ້າງ​ແບບ​ມີ​ໄມຕີ​ຈິດ​ກັບ​ສິ່ງ​ແວດ​ລ້ອມ, ​ໄດ້​ປະຢັດ​ພະລັງງານ 2/3 ​ເມື່ອ​ທຽບ​ກັບ​ສິ່ງ​ກໍ່ສ້າງ​ທຳ​ມະ​ດາ. ສິ່ງ​ກໍ່ສ້າງ​ທຸກຫຼັງ​ໃນ​ບ້ານ​ໂອ​ລິມປິກ​ລ້ວນ​ແຕ່​ໄດ້​ຄຸ້ມ​ຄອງ​ຕາມແບບ​ໂຮງ​ແຮມ​ທັນ​ສະ​ໄໝ, ​ໄດ້​ໃຫ້​ຄວາມ​ສຳຄັນຫຼາຍຕໍ່​ການ​ອະນຸລັກ​ສິ່ງ​ແວດລ້ອມ. ນອກ​ນັ້ນ, ​ໃນ​ດ້ານ​ການ​ອອກ​ແບບ​ແລະ​ການ​ຕົບ​ແຕ່ງ, ບ້ານ​ໂອ​ລິ​ມປິກ​ກໍ່​ໄດ້​ເຮັດ​ໃຫ້​ສະ​ໄໝ​ນິຍົມ​ກັບ​​ແບບບູຮານ​ເຊື່ອມ​ໂຍງ​​ເຂົ້າກັນ​ຢ່າງ​ຈົບງາມ.