ງານ​ກິລາ​ໂອ​ລິ​ມປິກ​ເຮັດ​ໃຫ້​ປັກ​ກິ່ງ​ພັດ​ທະ​ນາ​ໄວ​ກວ່າ​ເກົ່າ

ຕາມ​ຂ່າວCRI,ໜັງສືພິມ​ເຢິນມິນ​ຢືປ້າວສະບັບ​ຕໍ່​ຕ່າງປະ​ເທດ​ ວັນ​ທີ6​ສິງຫາ​ນີ້​ໄດ້​ພິມ​ບົດ​ຄວາມ​ໂດຍ​ຂຽນ​ວ່າ,ຕັ້ງ​ແຕ່​ປັກ​ກິ່ງ​ຮ້ອງ​ຂໍ​ສິດ​ເປັນ​ເຈົ້າພາບ​ຈັດ​ງານ​ກິລາ​ໂອ​ລິ​ມປິກ​ຢ່າງ​ສຳ​ເລັດ​ຜົນ​ໃນ​ປີ2001​​ເປັນ​ຕົ້ນ​ມາ,​ໃນເວລາ7​ປີ​ທີ່​ກະກຽມ​ຈັດງານ​ກິລາ​ໂອ​ລິ​ມ​ປິກ​ກໍ່​ແມ່ນ​ເວ​ລາ​ທີ່​ລະ​ດັບ​ເສດ​ຖະກິດ​ແລະ​ສັງຄົມ​ຂອງ​ປັກ​ກິ່ງ​ຍົກ​ສູງ​ຂຶ້ນ​ຢ່າງ​ບໍ່​ຢຸດ​ຢັ້ງ.ທາງ​ລົດ​ໄຟ​ໃຕ້​ດິນ​ຫຼາຍ​ສາຍ​ໄດ້​​ເປີດ​ໃຫ້​ແລ່ນ​ລົດ,ຕຶກ​ອາຄານ​ທີ່ທັນ​ສະ​ໄໝ​ເປັນ​ຫຼັງໆ​ໄດ້​ສ້າງ​ຂຶ້ນ​ຢ່າງ​ຕໍ່​ເນື່ອງ,​ປັດຈຸບັນ,ປັກ​ກິ່ງ​ໄດ້​ກາຍ​ເປັນ​ນະຄອນຫຼວງ​ສາກົນ​ທີ່​ທັນ​ສະ​ໄໝ​ແລ້ວ.

ບົດ​ຄວາມ​ຂຽນ​ວ່າ,ການ​ກະກຽມ​ງານ​ກິລາ​ໂອ​ລິ​ມປິກ​ເປັນ​ເວລາ7​ປີ,ອັດຕາ​ຫວ່າງ​ງານ​ທີ່​ຈົດ​ທະບຽນ​ຂອງ​ນະຄອນ​ປັກ​ກິ່ງ​ສະ​ເລ່ຍ​ແລ້ວ​ຢູ່​ໃນ​ລະດັບ1,86%.ນະຄອນ​ປັກ​ກິ່ງ​ໄດ້​ປະຕິບັດ​ລະບຽບ​ ປະກັນ​ການ​ປິ່ນປົວ​ພື້ນຖານ​ແລະ​ລະບຽບປະກັນ​ກາ​ນບຳນານ​ໃນຕົວ​ເມືອງ​ແລະ​ຊົນ​ນະ​ບົດ​ທັງ​ໝົດ​ແລ້ວ.ອັດຕາ​ເດັກນ້ອຍ​ເຖິງ​ໄວ​ຮຽນ​ຮັບ​ການ​ສຶກສາ​ພາກ​ບັງ​ຄັບ​ໄດ້​ຮັກສາ​ຢ່​ໃນູ​ລະດັບ100%ສະ​ເໝີມາ.​ປີ​2007,ຕາມຄາດຄະເນ,ອາຍຸຂອງຊາວ​ເມືອງ​ປັກ​ກິ່ງ​ສະ​ເລ່ຍ​ແລ້ວ​ຍືນ​ທີ່​ສຸດ​80,24​ປີ,​ສູງ​ກວ່າ​ປີ2001 4,39ປີ.