ໂຄ​ສົກ​ຄະ​ນະ​ກຳ​ມະ​ການ​ໂອ​ລິມ​ປິກ​ສາ​ກົນ​ກ່າວ​ວ່າ​ງານ​ກິ​ລາ​ໂອ​ລິມ​ປິກ​ປັກ​ກິ່ງ​ຈະ​ເປັນ​ງານ​ໂອ​ລິມ​ປິກ​ຄັ້ງ​ທີ່​ເຜີຍ​ແຜ່​ກວ້າງ​ຂວາງ​ກວ່າ​ໝູ່​ໃນ​ປະ​ຫວັດ​ສາດ

ຕາມ​ຂ່າວCRI,​ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ຢູ່​ປັກ​ກິ່ງ​ໃນ​ວັນ​ທີ​5​ສິງ​ຫາ​ນີ້,​ທ່ານ​ນາງ ກີ​ເຊ​ເລ ​ເດ​ວິສ​ໂຄສົກ​ຄະນະ​ກຳມະການ​ໂອ​ລິມ​ປິກ​ສາ​ກົນ​ກ່າວ​ວ່າ,ງານ​ກິລາ​ໂອ​ລິມ​ປິກ​ປັກ​ກິ່ງ​ຈະ​ເປັນ​ງານ​ໂອ​ລິ​ມປິກ​ຄັ້ງ​ທີ່​​ເຜີຍ​ແຜ່​ກວ້າງ​ຂວາງ​ກວ່າ​ໝູ່​ໃນ​ປະ​ຫວັດ​ສາດ.

ໃນ​ໄລຍະ​ຈັດງານ​ກິລາ​ໂອ​ລິ​ມປິກ​ປັກ​ກິ່ງ,ມີ​ປະ​ມານ​200​ກວ່າ​ປະ​ເທດ​ແລະ​ເຂດ​​ແຄວ້ນ​ຖ່າຍ​ທອດ​ການ​ແຂ່ງຂັນ​​ໃນງານ,​ເວລາ​ຖ່າຍ​ທອດ​ຈະ​ຫຼາຍ​ກວ່າ​5000​ຊົ່ວ​ໂມງ,ຈຳນວນ​ຜູ່​ຊົມງານ​ກິລາ​ໂອ​ລິ​ມປິກ​ໃນ​ທົ່ວ​ໂລກ​ຈະ​ມີ​ເຖິງ4​ຕື້​ຄົນ,ນອກ​ນີ້,ສື່​ມວນ​ຊົນ​ໃໝ່​ທີ່​ຖືອິນ​ເຕີ​ເນັດ​ເປັນ​ຕົວ​ແທນ​ນັ້ນ​ຈະ​ຜ່ານ​ຈາກ​ອິນ​ເຕີ​ເນັດ​ເຜີ​ຍ​ແຜ່​ງານ​ກິລາ​ໂອ​ລິ​ມປິກ​ປັກ​ກິ່ງ.ຄະນະ​ກຳມະການ​ໂອ​ລິ​ມປິກ​ສາກົນ​ຈະ​ຜ່ານ​ຈາກ​ອິນ​ເຕີ​ເນັດ​ຂອງ​ຕົນ​ຖ່າຍ​ທອດ​ງານ​ໂອ​ລິ​ມປິກ​ຢູ່​ອາຊີ ອາ​ຟິຼກກາ ຕາ​ເວັນ​ອອກ​ກາງ​ແລະ​ເຂດ​ແຄວ້ນ​ອື່ນໆ,​ເຂດ​ເຫຼົ່າ​ນີ້​ຈະ​ຜ່ານ​ຈາກ​ອິນ​ເຕີ​ເນັດ​ຮັບ​​ເອົາ​ການ​ລາຍ​ງານ​​ໃໝ່​ສຸດ​ກ່ຽວ​ກັບ​ການ​​ແຂ່ງຂັນ.