ງານໂອລິມປິກປັກກິ່ງກຳເນີດຫລຽນຄຳ 7 ຫລຽນ
-----------------------------------------------------------------------------------------------------------------
ຕາມຂ່າວ cri :ນັບມາຮອດເວລາ 21 ໂມງຂອງວັນທີ 9 ສິງຫາເວລາປັກກິ່ງ, ງານໂອລິມປິກປັກກິ່ງໄດ້ກຳເນີດຫລຽນຄຳ 7 ຫລຽນ.
ໃນການແຂ່ງຂັນຍິງປືນລົມນ້ອຍຍາວ 10 ແມັດເພດຍິງແລະການແຂ່ງຂັນຍົກນ້ຳຫນັກລຸ້ນ 48 ກິໂລເພດຍິງທີ່ຈັດຂຶ້ນໃນຕອນເຊົ້າວັນທີ 9 ສິງຫານີ້ໄດ້ກຳເນີດຫລຽນຄຳສອງຫລຽນ.ນາງແຄັດເທີຣີນາ ເອັມມອນສ໊ ນັກກິລາສາທາລະນະລເຊັກຊິງໄດ້ແຊມໃນການແຂ່ງຂັນຍິງປືນນ້ອຍຍາວ 10 ແມັດເພດຍິງດ້ວຍ 503,5 ຄະແນນ ທັງສ້າງສະຖິຕິໃຫມ່ຂອງງານໂອລິມປິກອີກ,ສ່ວນນາງລີຢູບັອບ ຄານຄີນາ ນັກກິລາຣັດເຊຍທີ່ອາຍຸ 35 ປີຊິງໄດ້ທີສອງ, ນາງເຈຊານາ ເປັດຊີ ນັກກິລາໂກຼອາຊີເປັນທີສາມ.
ໃນການແຂ່ງຂັນຍົກນ້ຳຫນັກລຸ້ນ 48 ກິໂລເພດຍິງ,ນາງເສີນເຊ້ຍເສຍ ນັກກິລາຈີນທີ່ອາຍຸ 25 ປີຊິງໄດ້ຫລຽນຄຳຄືຍົກໄດ້ 212 ກິໂລ,ແລະໄດ້ສ້າງສະຖິຕິໂອລິມປິກໃຫມ່ຂອງລາຍການນີ້.ນີ້ກໍ່ແມ່ນຫລຽນຄຳຫລຽນທຳອິດທີ່ທິມຈີນຊິງໄດ້.ນາງໂອສຄານ ເຊເບຣ ນັກກິລາຕວກກີໄດ້ຫລຽນເງິນ, ນາງເສີນເວີຍຫລິນ ນັກກິລາໄຕ້ເປ້ຈີນໄດ້ຫລຽນທອງ.
ໃນການແຂ່ງຂັນຍິງປືນພົກລົມ 10 ແມັດເພດຊາຍທີ່ຈັດຂຶ້ນໃນຕອນ ບ່າຍວັນທີ 9, ທ້າວຜາງເວີຍ ນັກກິລາຈີນຊິງໄດ້ແຊມດ້ວຍຜົນງານລວມ 688,2 ຄະແນນ,ເຊິ່ງເປັນຫລຽນຄຳຫລຽນທີສອງຂອງທິມຈີນ.ທ້າວຈີນຈົງໂອ ນັກກິລາສາທາລະນະລັດເກົຫາລີແລະທ້າວກິມຈົງຊູ ນັກກິລາສາທາລະນະລັດປະຊາຊົນປະຊາທິປະໄຕເກົາຫລີຕ່າງເປັນທີສອງແລະທີສາມ.
ຕອນບ່າຍວັນທີ 9 ຍັງໄດ້ຈັດການແຂ່ງຂັນຂີ່ລົດຖີບຕາມທາງຫລວງເພດຊາຍ,ທ້າວຊາມຸຍ ຊັນເຊສນັກກິລາແອສປາຍຊິງໄດ້ແຊມ.
ໃນການແຂ່ງຂັນໂຢໂດລຸ້ນ 60 ກິໂລເພດຊາຍທີ່ຈັດຂຶ້ນໃນຕອນບ່າຍວັນທີ 9 ສິງຫານນີ້, ທ້າວຊຸຍມີນໂຫ ນັກກິລາສາທາລະນະລັດເກົາຫລີຊິງໄດ້ແຊມ.
ສ່ວນນາງອາລິນນາ ເອເລັກຊັນເດີ ນັກກິລາໂລມານູກໍ່ຊິງໄດ້ແຊມໃນການແຂ່ງຂັນໂຢໂດລຸ້ນ 48 ກິໂລເພດຍິງໃນມື້ດຽວກັນ.
ໃນການແຂ່ງຂັນຟັນດາບປະເພດປາຍຄູ່ເພດຍິງ,ນາງຈາກູນີສ ນັກກິລາອາເມລິກາຊິງໄດ້ຫລຽນຄຳ.
