ທ່ານ​ບຸສ​ຍ້ອງ​ຍໍ​ພິ​ທີ​ໄຂ​ງານ​ໂອ​ລິມ​ປິກ​ປັກ​ກິ່ງ​ງາມ​ທຸກ​ລາຍ​ການ

ຕາມ​ຂ່າວ CRI: ຕອນ​ບ່າຍວັນ​ທີ 10 ສິງຫາ​ນີ້, ທ່ານ​ຈອຈ ບຸ​ສ ປະທາ​ນາທິ​ບໍດີ​ອາ​ເມ​ລິ​ກາ​ທີ່​ມາ​ເຂົ້າ​ຮ່ວມ​ກິດຈະກຳ​ຂອງ​ງານໂອ​ລິ​ມປິກ​ປັກ​ກິ່ງຍ້ອງ​ຍໍ​ວ່າ, ພິທີ​ໄຂ​ງານໂອ​ລິ​ມປິກ​ປັກ​ກິ່ງ​ມະຫັດ​ສະຈັນ​ຫຼາຍ, ງາມທຸກ​ລາຍການ.

ທ່ານ​ບຸ​ສ​ແມ່ນ​ໃຫ້​ທັດສະນະ​ດັ່ງກ່າວ​ໃນ​ເວລາ​ພົບ​ປະ​ທ່ານ​ຊີ​ຈີ້​ນພິງ ຮອງ​ປະທານ​ປະ​ເທດ​ຈີນ, ທ່ານ​ກ່າວ​ວ່າ:

"ພິທີ​ໄຂ​ງານໂອ​ລິມ​ປິກ​ມະ​ຫັດ​ສະ​ຈັນ​ຫຼາຍ, ຂ້າພະ​ເຈົ້າ​ມັກທີ່​ສຸດ, ງາມທຸກ​ລາຍການ. ຂ້າພະ​ເຈົ້າ​ກໍ່​ຢາກ​ເບີ່​ງການ​ແຂ່ງຂັນ​ທີ່​ດີ​ເລີດ​ຈຳນວນ​ໜຶ່ງ."

ກ່ອນ​ໜ້າ​ນີ້, ​ໃນ​ເວລາພົບ​ປະ​ທ່ານ​ຫູ​ຈີນ​ທາວ ປະທານ​ປະ​ເທດ​ຈີນ, ທ່ານ​ບຸກຍ້ອງຍໍ​ລັດຖະບານ​ແລະ​ປະຊາຊົນ​ຈີນ​ໄດ້​ຈັດ​ພິທີ​ໄຂ​ງານໂອ​ລິ​ມປິກ​ທີ່​ສະຫງ່າ​ງາມ​ແລະ​ສຳ​ເລັດ​ຜົນ​ເທື່ອໜຶ່ງ​ໃຫ້​ປະຊາຊົນ​ປະ​ເທດ​ຕ່າງໆ​ໃນ​ໂລກ.

ທ່ານ​ບຸສ​ໄດ້​ຊົມ​ການ​ແຂ່ງຂັນ​ຕ່າງໆ​ຢູ່​ປັກ​ກິ່ງ, ​ເຊັ່ນ: ການ​ລອຍ​ນ້ຳ​ເພດ​ຊາຍ, ບານ​ປ້ວງ​ເພດ​ຍິງ​ເປັນ​ຕົ້ນ. ຕອນ​ຄ່ຳ​ວັນ​ທີ 10 ສິງຫາ​ນີ້, ຍັງ​ຈະ​ເບີ່ງ​ການ​ແຂ່ງຂັນ​ບານ​ບ້ວງ​ເພດ​ຊາຍ​ລະຫວ່າງ​ຈີນ​ອາ​ເມ​ລິ​ກາ.