ຜູ້ຊົມ 1 ຕື້ຄົນໃນທົ່ວໂລກເອົາໃຈໃສ່ການແຂ່ງຂັນບານບ້ວງເພດຊາຍລະຫວ່າງທິມຈີນກັບທິມອາເມລິກາ

(GMT+08:00) 2008-08-11 14:22:18 cri
-----------------------------------------------------------------------------------------------------------------

ຕອນຂ້ອນແຈ້ງວັນທີ 11 ສີງຫານີ້, ການແຂ່ງຂັນບານບ້ວງເພດຊາຍໃນງານໂອລິມປິກປັກກິ່ງໄດ້ສິ້ນສຸດການແຂ່ງຂັນໃນມື້ທຳອິດ, ທິມຈີນເສຍໃຫ້ທິມອາເມລິກາທີມີດາລາບານບ້ວງຫຼາຍຄົນດ້ວຍຄະແນນ 70 ຕໍ່ 101. ຕາມການສຳຫຼວດ, ໃນທົ່ວໂລກມີຜູ້ຊົມຫຼາຍກວ່າ 1 ຕື້ຄົນໄດ້ເບິ່ງການແຂ່ງຂັນດັ່ງກ່າວ. ທ່ານຈອຈ໌ W ບຸສ ປະທານາທິບໍດີອາເມລິກາແລະພັນລະຍາຂອງທ່ານ, ທ່ານຈອຈ໌ ບຸສ ອະດີດປະທານາທິບໍດີອາເມລິກາແລະພັນລະຍາກໍໄດ້ໄປຊົມການແຂ່ງຂັນດັ່ງກ່າວໂດຍມີທ່ານຢາງເຈສື ລັດຖະມົນຕີວ່າການກະຊວງການຕ່າງປະເທດຈີນເປັນເພື່ອນ.

ທິມບານບ້ວງເພດຊາຍອາເມລິກາແມ່ນທິມທີ່ມີຫວັງຊິງໄດ້ແຊມປຽນຂອງການແຂ່ງຂັນບານບ້ວງໃນງານໂອລິມປິກຊຸດນີ້, ແຕ່ຜົນງານດີທີ່ສຸດຂອງທິມບານບ້ວງເພດຊາຍຈີນພຽງແຕ່ໄດ້ທີ 8 ໃນງານໂອລິມປິກ, ຜົນການແຂ່ງຂັນຂອງສອງທິມນີ້ບໍ່ມີບັນຫາຫຍັງ, ແຕ່ຍ້ອນມີດາລາບານບ້ວງລະດັບໂລກເຂົ້າຮ່ວມເຊັ່ນທ້າວຢາວມິງ ທ້າຍໂຄບີ ເບຼເອັນແລະທ້າວເລບຼົນ ເຈັມສເຂົ້າຮ່ວມ, ໂດຍສະເພາະຍ້ອນຫຼາຍປີມານີ້, ສອງປະເທດໄດ້ແລກປ່ຽນນຳກັນໃນຂົງເຂດບານບ້ວງເລື້ອຍໆ, ຈິ່ງເຮັດໃຫ້ການແຂ່ງຂັນເທື່ອນີ້ມີຄວາມໝາຍພິເສດ.

ພາຍຫຼັງການແຂ່ງຂັນສິ້ນສຸດລົງ, ທ່ານໄມກ ຊາເຊັຟສກີ ຄູຝຶກຂອງທິມອາເມລິກາໄດ້ຕີລາຄາສູງຕໍ່ທິມບານບ້ວງເພດຊາຍຈີນ, ທ່ານຍັງກ່າວເນັ້ນຕໍ່ສື່ມວນຊົນປະເທດຕ່າງໆຫຼາຍເທື່ອວ່າ, ທິມອາເມລິກາບໍ່ໄດ້ສະຫງວນໄວ້ຫຍັງຈັກເມັດໃນການແຂ່ງຂັນເທື່ອນີ້.

1 2 3

ຂ່າວ-ບົດທີ່ກ່ຽວຂ້ອງ

ຄຳເຫັນ