ສື່​ມວນ​ຊົນ​ຂອງ​ປະ​ເທດ​ຕ່າງໆ​ຍ້ອງ​ຍໍ​ງານ​ໂອ​ລິມ​ປິກ​ປັກ​ກິ່ງ

ຕາມ​ຂ່າວCRI: ຫຼາຍມື້​ມາ​ນີ້, ສື່​ມວນ​ຊົນ​ຂອງ​ປະ​ເທດ​ຕ່າງໆ​ໄດ້​ແຈ້ງ​ຂ່າວ​ຢ່າງຫຼວງ​ຫຼາຍ​ແລະ​​ຕີ​ລາຄາ​ສູງຕໍ່​ງານ​ໂອ​ລິ​ມປິກ​ປັກ​ກິ່ງ​​ແລະ​ພິທີ​ໄຂ​.

ສື່​ມວນ​ຊົນ​​ສຳຄັນ​ຕ່າງໆຂອງອາ​ເມ​ລິ​ກາ ​ບໍ່​ພຽງ​ແຕ່​ໄດ້ຍ້ອງຍໍ​ຄວາມ​ສະຫງ່າ​ງາມ​ຂອງ​ພິທີ​ໄຂ​ງານ​ໂອ​ລິ​ມປິກ​ເທົ່າ​ນັ້ນ, ຍັງໄດ້​ຍ້ອງຍໍ​ງານ​ໂອ​ລິ​ມປິກ​ປັກ​ກິ່ງ​ໄດ້​ສ່ອງ​ແສງ​ໃຫ້​ເຫັນ​ນ້ຳ​ໃຈ​ໂອ​ລິ​ມປິກ. ໜັງສືພິມ"USA Today"ສະບັບ​ວັນ​ທີ 9 ສິງຫາ​ຂຽນວ່າ, ພິທີ​ໄຂ​ງານ​ໂອ​ລິ​ມປິກ​ປັກ​ກິ່ງ​ໄດ້​ໃຊ້​ວິທີ​ທີ່​ດີ​ເລີດ​ເຮັດ​ໃຫ້​ວັດທະນະທຳ​​ໃນປະຫວັດ​ສາດ​ກັບ​ອາ​ລິ​ຍະ​ທຳ​ທັນ​ສະ​ໄໝ​ຂອງ​ຈີນ​ເຊື່ອມ​ໂຍງ​ເຂົ້າກັນ. ວາລະສານ"Newsweek"ສະບັບ​ວັນ​ທີ 9 ສິງຫາ​ລາຍ​ງານ​ວ່າ, ການ​ສະ​ແດງອັນ​ໃຫຍ່​ໂຕ​ມະ​ໂຫລານ​​​ໃນ​ພິທີ​ໄຂ​ງານ​ໂອ​ລິ​ມປິກ​ປັກ​ກິ່ງ​ແມ່ນຫຼັກໝາຍ​ທາງ​ອັນ​ສຳຄັນ​ທີ່​ຈີນ​​ໂປ​ໂລ​​ຂຶ້ນ​​ແລະ​ກຳລັງ​​ແຮງ​ໄດ້ຍົກ​ສູງ​ຂຶ້ນ. ວາລະສານ"time"ລາຍ​ສັບປະດາສະບັບ​ຫຼ້າສຸດ​ໄດ້​ພິມ​ບົດ​ຄວາມ​ຂຽນ​ວ່າ, ສິ່ງ​ສຳຄັນ​ກວ່າ​ການສະ​ແດງ​ທີ່​ປະ​ທັບ​ໃຈ​​ໃນ​ພິທີ​ໄຂ​ນັ້ນ​ແມ່ນ, ງານ​ໂອ​ລິ​ມປິກ​ປັກ​ກິ່ງ​ໄດ້​ສະ​ແດງ​ໃຫ້​ເຫັນຄວາມ​ເຊື່ອມ​ໂຍງ​ລະຫວ່າງຝ່າຍ​ຕາ​ເວັນ​ອອກ​ກັບ​ຝ່າຍ​ຕາ​ເວັນ​ຕົກ, ​​ແລະ​ມີ​ປະ​ເທດ​ຕ່າງໆ​ໃນ​ໂລກ​ເຂົ້າຮ່ວມ​ຢ່າງ​ກວ້າງຂວາງ, ​​ໄດ້​ສະ​ແດງ​ໃຫ້​ເຫັນ​ນ້ຳ​ໃຈ​ໂອ​ລິ​ມປິກ​ຢ່າງ​ແທ້​ຈິງ.