ຕິ​ເບ​ດ​ໄດ້​ປ່ອຍ​ເງິນ​ກູ້​ເກືອບ100​ລ້ານ​ຢວນ​ໃຫ້​ເຈົ້າ​ຂອງ​ຮ້ານ​ຄ້າ​ທີ່​ໄດ້​ຮັບຄວາມ​ເສຍ​ຫາຍ​ໃນ​ເຫດການ14​ມີນາ

ຕາມ​ຂ່າວສານ​ຊິນ​ຮວາ,ພະ​ແນ​ກການ​ເງິນ​ເຂດ​ປົກຄອງ​ຕົນ​ເອງ​ຕິ​ເບ​ດຈີນ​ແຈ້ງ​ໃຫ້​ຊາບວ່າ,ນັບ​ມາ​ຮອດ​ທ້າຍ​ເດືອນ​ກໍລະກົດ​ນີ້,ພະ​ແນ​ກການ​ເງິນ​ແລະ​ທະນາຄານ​ທີ່​ກ່ຽວຂ້ອງ​ຂອງ​ຕິ​ເບ​ດ​ໄດ້​ປ່ອຍ​ເງິນ​ກູ້​ເກືອບ100​ລ້ານ​ຢວນ​ໃຫ້​​ເຈົ້າ​ຂອງ​ຮ້ານ​ຄ້າ​ທີ່​ໄດ້​ຮັບ​ຄວາມ​ເສຍ​ຫາຍ​ໃນ​ເຫດການ14​ມີນາທີ່​ເກີດ​ຂຶ້ນຢູ່​ນະຄອນ​ລາຊາ.

ເຫດການ14​ມີນາ​ແມ່ນ​ເຫດການ​ກະທຳ​ຜິດ​ກົດໝາຍ​ດ້ວຍ​ຄວາມ​ຮຸນ​ແຮງ​ທີ່​ທຸບ​ຕີ ທັບ​ມ້າງ ປຸ້ນ​ຈີ້​ແລະ​ຈູດ​ເຜົາ​ຢູ່​ນະຄອນ​ລາຊາ​ຕິ​ເບ​ດ​ທີ່​ເກີດ​ຂຶ້ນ​ໃນ​ວັນ​ທີ14​ມີນາ​ປີ​ນີ້.ປັດຈຸບັນ,​ໄດ້​ຢືນຢັນ​ແລ້ວວ່າ​ມີ​​ເຈົ້າ​ຂອງ​ຮ້ານຄ້າ1216​ຄອບຄົວ​ໄດ້​ຮັບຄວາມ​ເສຍ​ຫາຍ​ໃນ​ເຫດການ​ເທື່ອ​ນີ້.

ນັບ​ມາ​ຮອດ​ວັນ​ທີ31​ກໍລະກົດ​​ແລ້ວ​ນີ້,ພະ​ແນ​ກການ​ເງິນຕິ​ເບ​ດ​ແລະ​ທະນາຄານ​ທີ່​ກ່ຽວຂ້ອງ​ໄດ້​ປ່ອຍ​ເງິນກູ້93ລ້ານ8​ແສນ7​ໝື່ນຢວນ​ແລ້ວ,​​ເງິນ​ກູ້​ທີ່​ພວມ​​ດຳ​ເນີນ​ການຕ່າງໆ​ນັ້ນ​ກໍ່ມີ35ລ້ານ6​ແສນ3​ໝື່ນຢວນ.