ກຳປູ​ເຈຍ​ໄທ​ເລີ່​ມຖອນ​ທະຫານ​ອອກ​ຈາກບໍລິ​ເວນ​ໃກ້​ຜາສາດ​ພະ​ວິ​ຫານ

ຕາມ​ຂ່າວCRI: ວັນ​ທີ16ສິງຫາ​ນີ້ ທ່ານ​ຂຽວ ກັນ​ຫາຣິດ ລັດຖະມົນຕີວ່າການກະຊວງ​ຖະ​ແຫຼ​ງຂ່າວ​ຂອງ​ກຳປູ​ເຈຍ ທັງ​ເປັນ​ໂຄສົກ​ລັດຖະບານ​ກຳປູ​ເຈຍ​ກ່າວ​ວ່າ,ກຳປູ​ເຈຍ​ແລະ​ໄທ​​ເລີ່​ມຖອນ​ທະຫານຂອງ​ຕົນ​ອອກ​ຈາກວັດ​ກີວ ຊີ​ຄາ ຄີຣີ ສວາຣາ ​ແລະ​ບໍລິ​ເວນ​ທີ່​ໃກ້​ກັບ​ຜາສາດ​ພະ​ວິຫານ."ການຈັດ​ວາງ​ຄືນ​ໃໝ່"​ເທື່ອ​ນີ້​ສຳ​ເລັດ​ແລ້ວ,ກອງ​ທະ ຫານ​ສອງ​ປະ​ເທດ​ຈະ​ຖອນ​ຄືນ​ໄປ​ຢູ່​ຄ້າຍ​ທີ່​ເຄີຍ​ຢູ່ກ່ອນ​ວັນ​ທີ15ກໍລະກົດ.

ນອກ​ນີ້​ຂ່າວ​ແຈ້ງວ່າ,ມື້​ດຽວ​ກັນ,​ໂຄສົກ​ຜູ່​ໜຶ່ງ​ຂອງ​ກະຊວງ​ການ​ຕ່າງປະ​ເທດ​ໄທ​ໄດ້​ຢືນຢັນ​ຂ່າວ​ຖອນ​ທະຫານດັ່ງກ່າວ.

ນັບ​ແຕ່​ວັນ​ທີ15ສິງຫາ​ນີ້​ເປັນຕົ້ນມາ,​ໄທ​ແລະ​ກຳປູ​ເຈຍປະ​ເຊີນ​ໜ້າ​ກັນ​ທາງ​ທະຫານຍ້ອນ​ມີ​ຄວາມ​ຂັດ​ແຍ່ງກັນ​ໃນ​ບັນຫາ​ເຂດ​ແດນ​ໃກ້ຜາສາດ​ພະ​ວິຫານ​ທີ່ຢູ່​ເຂດ​ຊາຍ​ແດນລະຫວ່າງ​ສອງ​ປະ​ເທດ.​ແລ້ວສອງ​ປະ​ເທດກໍ່​ສົ່ງ​ທະຫານ​ໄປ​ເຂດດັ່ງກ່າວ​​ເພີ່ມ​ຂຶ້ນ,ທະຫານ​ກຳປູ​ເຈຍ​ມີ800ຄົນ,​ໄທ​ມີ400ຄົນ.