ທ່ານໂຣເກຍ້ອງຍໍວຽກງານຈັດຕັ້ງງານໂອລິມປິກປັກກິ່ງໃນເຄິ່ງທາງຜ່ານມາ
(GMT+08:00) 2008-08-18 16:07:40 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຊິນຮວາ: ຫວ່າງມໍ່ໆນີ້ ໃນວລາໃຫ້ສຳພາດຕໍ່ໜັງສືພິມລິກິພຸຂອງຝຣັ່ງ ທ່ານເຈັກເຄຼ ໂຣເກ ປະທານຄະນະກຳມະການໂອລິມປິກສາກົນໄດ້ຍ້ອງຍໍຄວາມພະຍາຍາມຂອງຈີນໃນການຮັບປະກັນດ້ານພະລາທິການແລະບໍລິການສື່ມວນຊົນໃນງານໂອລິມປິກ,ເຫັນວ່າ ວຽກງານຈັດຕັ້ງງານໂອລິມປິກໃນອາທິດທີໜຶ່ງແມ່ນເຮັດດີເດັ່ນຫຼາຍ.
ທ່ານໂຣເກກ່າວວ່າ,ງານໂອລິມປິກປັກກິ່ງດຳເນີນຢ່າງສະດວກທີ່ສຸດ,ພາຫະນະຂົນສົ່ງໂດຍສານແລ່ນຖືກເວລາກຳນົດທີ່ສຸດ,ບ້ານໂອລິມປິກສວຍງາມ,ການຖ່າຍທອດສົດການແຂ່ງຂັນກໍ່ເຮັດໄດ້ດີຫຼາຍ.
ທ່ານກ່າວວ່າ,ໃນການປັບປຸງສິ່ງແວດລ້ອມ,ຈີນໄດ້ໃຊ້ຫຼາຍມາດຕະການທີ່ເຄັ່ງຄັດແລະມີປະສິດທິຜົນ,ເຊັ່ນ:ປິດໂຮງງານທີ່ປ່ອຍມົນລະພິດ ໃຫ້ລົດແລ່ນຕາມປ້າຍເລກຄູ່ປ້າຍເລກຄີກ ແລະຂີດເສັ້ນທາງລົດສະເພາະໂອລິມປິກເປັນຕົ້ນ.ມາດຕະການເຫຼົ່ານີ້ໄດ້ຮັບປະກັນໃຫ້ນັກກິລາເຂົ້າຮ່ວມການແຂ່ງຂັນຢ່າງສະບາຍ.ໃນການປ້ອງກັນ ຄວາມປອດໄພ,ຈີນກໍ່ບໍ່ມີການຈຳກັດຫຼາຍ.ທ່ານກ່າວວ່າ,ນັບມາຮອດປະຈຸບັນ,ສື່ມວນຊົນສ່ວນຫຼາຍລ້ວນແຕ່ສະແດງຄວາມພໍໃຈທີ່ສຸດຕໍ່ວຽກງານຈັດຕັ້ງຂອງຈີນ.
ພ້ອມກັນນັ້ນທ່ານໂຣເກເຫັນວ່າ,ປະເທດອາຊີທີ່ມີຈີນ ຍິ່ປຸ່ນແລະສ.ເກົາຫຼີເປັນຕົວແທນໄດ້ຜົນງານດີຫຼາຍໃນງານໂອລິມປິກຄັ້ງນີ້,ເວົ້າຈາກດ້ານນີ້ແລ້ວ,ງານໂອລິມປິກປັກກິ່ງອາດຈະກາຍເປັນງານໂອລິມປິກຂອງອາຊີ.
ທ່ານໂຣເກກ່າວວ່າ,ງານໂອລິມປິກປັກກິ່ງດຳເນີນຢ່າງສະດວກທີ່ສຸດ,ພາຫະນະຂົນສົ່ງໂດຍສານແລ່ນຖືກເວລາກຳນົດທີ່ສຸດ,ບ້ານໂອລິມປິກສວຍງາມ,ການຖ່າຍທອດສົດການແຂ່ງຂັນກໍ່ເຮັດໄດ້ດີຫຼາຍ.
ທ່ານກ່າວວ່າ,ໃນການປັບປຸງສິ່ງແວດລ້ອມ,ຈີນໄດ້ໃຊ້ຫຼາຍມາດຕະການທີ່ເຄັ່ງຄັດແລະມີປະສິດທິຜົນ,ເຊັ່ນ:ປິດໂຮງງານທີ່ປ່ອຍມົນລະພິດ ໃຫ້ລົດແລ່ນຕາມປ້າຍເລກຄູ່ປ້າຍເລກຄີກ ແລະຂີດເສັ້ນທາງລົດສະເພາະໂອລິມປິກເປັນຕົ້ນ.ມາດຕະການເຫຼົ່ານີ້ໄດ້ຮັບປະກັນໃຫ້ນັກກິລາເຂົ້າຮ່ວມການແຂ່ງຂັນຢ່າງສະບາຍ.ໃນການປ້ອງກັນ ຄວາມປອດໄພ,ຈີນກໍ່ບໍ່ມີການຈຳກັດຫຼາຍ.ທ່ານກ່າວວ່າ,ນັບມາຮອດປະຈຸບັນ,ສື່ມວນຊົນສ່ວນຫຼາຍລ້ວນແຕ່ສະແດງຄວາມພໍໃຈທີ່ສຸດຕໍ່ວຽກງານຈັດຕັ້ງຂອງຈີນ.
ພ້ອມກັນນັ້ນທ່ານໂຣເກເຫັນວ່າ,ປະເທດອາຊີທີ່ມີຈີນ ຍິ່ປຸ່ນແລະສ.ເກົາຫຼີເປັນຕົວແທນໄດ້ຜົນງານດີຫຼາຍໃນງານໂອລິມປິກຄັ້ງນີ້,ເວົ້າຈາກດ້ານນີ້ແລ້ວ,ງານໂອລິມປິກປັກກິ່ງອາດຈະກາຍເປັນງານໂອລິມປິກຂອງອາຊີ.
ຂ່າວ-ບົດທີ່ກ່ຽວຂ້ອງ
ຄຳເຫັນ
