ທ່ານ​ຫູ​ຈິນທາວຊົມ​ການ​ແຂ່ງ​ຂັນ​ປິ໋ງ​ປ໋ອງ​ໝູ່​ຄະນະ​ເພດ​ຍິງ​ຊີງ​ຊະນະ​ເລີດ

ຕາມ​ຂ່າວCRI: ຕອນ​ຄ່ຳ​ວັນ​ທີ17ສິງຫາ​ນີ້ ທ່ານ​ຫູ​ຈິນທາວ ປະທານ​ປະ​ເທດ​ຈີນ​ພ້ອມ​ພັນ​ລະ​ຍາ​ໄດ້​ຊົມ​ການ​ແຂ່ງຂັນປິ໋ງປ໋ອງໝູ່​ຄະນະ​ເພດ​ຍິງ​ຊີງ​ຊະນະ​ເລີດຂອງ​ງານ​ໂອ​ລິ​ມປິກ​ປັກ​ກິ່ງ.

ການ​ແຂ່ງຂັນ​ເທື່ອ​ນີ້​ຈັດ​ຂຶ້ນ​ຢູ່​ລະຫວ່າງ​ທິມຈີນ​ກັບ​ທິມສິງກະ​ໂປ.ສຸດ​ທ້າຍ ທິມຈີນ​ເອົາ​ຊະນະ​ທິມສິງກະ​ໂປ​ດ້ວຍ​ຄະ​ແນນ3ຕໍ່0,ຊີງ​ໄດ້​ຫຼຽນ​ຄຳ,ທິມສິງກະ​ໂປ​ໄດ້​ຫຼຽນ​ເງິນ,ທິມສ.​ເກົາຫຼີ​ໄດ້​ຫຼຽນ​ທອງ.

ທ່ານ​ເຈັກ​ເຄຼ ​ໂຣ​ເກ ປະທານ​ຄະນະ​ກຳມະການ​ໂອ​ລິ​ມປິກ​ສາກົນພ້ອມ​ພັນ​ລະ​ຍາ​ກໍ່​ໄປ​ຊົມ​ການ​ແຂ່ງຂັນ​ຄັ້ງນີ້.