ຄຸນນະພາບອາກາດຂອງປັກກິ່ງໃນໄລຍະງານໂອລິມປິກແມ່ນດີກວ່າໝູ່ໃນໄລຍະ10ປີມານີ້
-----------------------------------------------------------------------------------------------------------------
ຕາມຂ່າວCRI: ວັນທີ19 ສິງຫານີ້, ທ່ານຕູ້ຊ້າວຈົ່ງ ຮອງຫົວໜ້າພະແນກອະນຸລັກສິ່ງແວດລ້ອມນະຄອນຫຼວງປັກກິ່ງກ່າວວ່າ, ລະດັບມົນລະພິດ ແລະ ຄວາມຂຸ້ນຂອງມົນລະພິດຂອງນະຄອນຫຼວງປັກກິ່ງໄດ້ຫຼຸດລົງຫຼາຍເມື່ອທຽບກັບໄລຍະດຽວກັນຂອງປີກາຍນີ້, ປັກກິ່ງພວມບັນລຸຄຳໝັ້ນສັນຍາທີ່ຈະເຮັດໃຫ້ອາກາດໃນໄລຍະງານກິລາໂອລິມປິກດີ.
ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ, ທ່ານຕູ້ຊ້າວຈົ່ງກ່າວວ່າ, ແຕ່ວັນທີ1 ຫາ ວັນທີ19ສິງຫານີ້, ຄຸນນະພາບອາກາດຂອງປັກກິ່ງໄດ້ຄາດໝາຍ ທຸກມື້, ຈຳນວນມື້ທີ່ຄຸນນະພາບອາກາດໄດ້ລະດັບທີ1ມີ10ມື້, ກວມຫຼາຍກວ່າເຄິ່ງໜຶ່ງ ຂອງ ຈຳນວນມື້,ແມ່ນລະດັລດີກວ່າໝູ່ໃນໄລຍະ10ປີມານີ້.
ນອກນີ້, ທ່ານໂກ່ຫູ ຫົວໜ້າທິມບໍລິການທາງອຸຕຸນິຍົມຂອງງານໂອລິມປິກເຜີຍໃຫ້ຮູ້ວ່າ, ອາກາດໃນມື້ອັດງານໂອລິມປິກປັກກິ່ງ,ອີງຕາມການພະຍາກອນໃນເບື້ອງຕົ້ນແມ່ນທ້ອງຟ້າຈະບົດ. ທ່ານຍັງກ່າວວ່າ, ໜ່ວຍອຸຕຸນິຍົມຈະພະຍາກອນອາກາດຢູ່ເຂດອ້ອມຂ້າງສະໜາມກິລາ"ຮັງນົກ"ໃນມື້ທີ່ຈັດພິທີປິດອັດງານກິລາໂອລິມປິກຢ່າງຊັດເຈນໃນວັນທີ22 ສິງຫານີ້.
