ການຖ່າຍທອດສົດຂອງໂອລິມປິກປັກກິ່ງທີ່ມີຂະໜາດໃຫຍ່ກວ່າທຸກຄັ້ງໃນປະຫວັດສາດ
-----------------------------------------------------------------------------------------------------------------
ຕາມຂ່າວcri:ວັນທີ20 ສິງຫານີ້,ທ່ານຕີໂມ ລູມ ຫົວໜ້າພະແນກພັດທະນາຕະຫຼາດຂອງຄະນະກຳມະການໂອລິມປິກສາກົນກ່າວວ່າ,ງານໂອລິມປິກປັກກິ່ງໄດ້ຖ່າຍທອດສົດໄປ200ກວ່າປະເທດແລະເຂດແຄວ້ນໃນທົ່ວໂລກ,ການຖ່າຍທອດສົດມີຂະໜາດໃຫຍ່ກວ່າທຸກຄັ້ງໃນປະຫວັດສາດ.
ມື້ດຽວກັນ,ໃນງານຖະແຫຼງຂ່າວທີ່ຈັດຂຶ້ນໃນສູນຖະແຫຼງຂ່າວຫຼັກຂອງໂອລິມປິກປັກກິ່ງ,ທ່ານກ່າວວ່າ,
"ເວລາຖ່າຍທອດຢູ່ແຫ່ງຕ່າງໆຂອງງານໂອລິມປິກປັກກິ່ງໄດ້ລື່ນກາຍທຸກຄັ້ງໃນປະຫວັດສາດ,ດ້ານໜຶ່ງແມ່ນແທ່ນສື່ຖ່ຍທອດເພີ່ມຂຶ້ນ,ຂະນະດຽວກັນນີ້ກໍ່ສະແດງໃຫ້ເຫັນວ່າຜູ່ຊົມທົ່ວໂລກສົນໃຈງານໂອລິມປິກປັກກິ່ງ."
ທ່ານລູມກ່າວວ່າ,ອັດຕາເບິ່ງງານໂລອິມປິກປັກກິ່ງໂດຍຜ່ານໂທລະພາບໃນທົ່ວໂລກແມ່ນສູງກວ່າທຸກຄັ້ງໃນປະຫວັດສາດ.ຢູ່ຈີນ,ມີຜູ່ຊົມ840ລ້ານຄົນໄດ້ຮັບເບິ່ງການຖ່າຍທອດສົດຂອງພິທີໄຂ,ນີ້ແມ່ນງານາະຫາກຳກິລາທີ່ມີອັດຕາຮັບເບິ່ງໂທລະພາບສູງສຸດໃນປະຫວັດສາດໂທລະພາບຂອງຈີນ.ສ່ວນວ່າຢູ່ອາເມລິກາ,ອັດຕາຮັບເບິ່ງໂທລະພາບທີ່NBCຖ່າຍທອດສົດການແຂ່ງຂັນລອຍນ້ຳຂອງທ້າວເຟວສ໌ ນັກກິລາອາເມລິກາໃນວັນທີ16 ສິງຫານີ້ແມ່ນອັດຕາສູງສຸດໃນ18ປີທີ່ຜ່ານມາ.
ນອກນີ້,ງານໂອລິມປິກປັກກິ່ງເປັນເທື່ອທຳອິດຂອງການຖ່າຍທອດສົດໂດຍຜ່ານສື່ມວນຊົນໃໝ່ໃນປະຫວັດສາດ.ຜູ່ກົດເວບໄຊຂອງຄໂອລິມປິກສາກົນກໍ່ສ້າງສະຖິຕິປະຫວັດສາດ.
