ສື່ມວນຊົນເບຼຊິນກ່າວວ່າງານໂອລິມປິກປັກກິ່ງເຮັດໃຫ້ວິສາຫະກິດເບຼຊິນຮັບຮູ້ຈີນຢ່າງຖືກຕ້ອງ
-----------------------------------------------------------------------------------------------------------------
ຕາມຂ່າວສານຊິນຮວາ, ວັນທີ20ສິງຫານີ້, ຂ່າວສານເບຼຊິນພິມບົດຄວາມຂຽນວ່າ, ງານໂອລິມປິກປັກກິ່ງຊ່ວຍໃຫ້ວິສາຫະກິດເບຼຊິນຮັບຮູ້ຈີນຢ່າງຖືກຕ້ອງ.
ບົດຄວາມໄດ້ນຳເອົາຄຳເວົ້າຂອງທ່ານຫຼິວປາວລົວ ປະທານສະມາຄົມພັດທະນາເສດຖະກິດເບຼຊິນຈີນ ມາກ່າວວ່າ, ຜ່ານຈາກງານໂອລິມປິກປັກກິ່ງ, ຄົນທັງຫຼາຍສາມາດຣັບຮູ້ຈີນຢ່າງຖືກຕ້ອງ, ຮູ້ວ່າໃນ20ປີມານີ້, ຈີນໄດ້ພັດທະນາຕະຫຼອດມາ, ແລະຍັງສາມາດພັດທະນາຕໍ່ໄປໃນ20ປີຂ້າງໜ້າ.
ໃນເວລທ່ານມາເຊນ ເລຂາທິການໃຫຍ່ສະມາຄົມນັກທຸລະກິດເບຼຊິນຈີນໃຫ້ສຳພາດຕໍ່ຂ່າວສານເບຼຊິນ, ທ່ານສົ່ງເສີມໃຫ້ວິສາຫະກິດເບຼຊິນໄປລົງທຶນຢູ່ຈີນ. ທ່ານກ່າວວ່າ, ດຶງດູດທຶນຕ່າງປະເທດແມ່ນນະໂຍບາຍບູລິມະສິດຂອງລັດຖະບານຈີນ, ແຕ່ສິ່ງທີ່ຈີນຕ້ອງການນັ້ນບໍ່ແມ່ນການລົງທຶນແບບໃດກໍໄດ້, ຫາກແມ່ນການລົງທຶນໃນດ້ານໄຮເທັກແລະດ້ານຄົ້ນຄວ້າແລະພັດທະນາ.
