ເຈົ້າໜ້າທີ່ຄະນະກຳມະການຈັດງານໂອລິມປິກປັກກິ່ງກ່າວວ່າ ປະຈຸບັນ ກົນໄກປ້ອງກັນຄວາມປອດໄພທຸກຢ່າງດຳເນີນໄປເປັນຢ່າງດີ

(GMT+08:00) 2008-08-22 10:11:54 cri
-----------------------------------------------------------------------------------------------------------------

ຕາມໜັງສືພິມປະຊາຊົນລາຍວັນຂອງຈີນ, ຫວ່າງມໍ່ໆນີ້, ທ່ານຫຼິວຊາວອູ ຫົວໜ້າພະແນກ ປ້ອງກັນຄວາມປອດໄພຄະນະກຳມະການຈັດງານໂອລິມປິກປັກກິ່ງກ່າວວ່າ, ວຽກງານປ້ອງກັນຄວາມປອດໄພງານໂອລິມປິກປັກກິ່ງແມ່ນເຄັ່ງຄັດແລະສົມເຫດສົມຜົນ, ແມ່ນປະຕິບັດຕາມທຳນຽມສາກົນ, ປະຈຸບັນ, ກົນໄກປ້ອງກັນຄວາມປອດໄພທຸກຢ່າງດຳເນີນໄປເປັນຢ່າງດີ.

ທ່ານຫຼິວຊາວອູກ່າວວ່າ, ນັບມາຮອດປະຈຸບັນ, ພາກສ່ວນທີ່ກ່ຽວຂ້ອງຂອງຈີນໄດ້ຈັດກອງປະຊຸມຮ່ວມມືດ້ານປ້ອງກັນຄວາມປອດໄພສາກົນ10ກວ່າເທື່ອ. ສູນບັນຊາການປ້ອງກັນຄວາມປອດໄພງານໂອລິມປິກປັກກິ່ງໄດ້ດຳເນີນການແລກປ່ຽນຂໍ້ມູນຂ່າວສານແລະຮ່ວມມືຢ່າງຕິດແທດຕົວຈິງກັບອົງການປ້ອງກັນຄວາມປອດໄພສາກົນໃນຂົງເຂດປ້ອງກັນຄວາມປອດໄພໃນກິດຈະກຳຂະໜາດໃຫຍ່, ໂຈມຕີອາຊະຍາກຳຂ້າມຊາດແລະປ້ອງກັນການເຄື່ອນໄຫວກໍ່ການຮ້າຍເປັນຕົ້ນ.

ຂ່າວ-ບົດທີ່ກ່ຽວຂ້ອງ

ຄຳເຫັນ