ທ້າວຢູເຊນ ບອນທ໌ ນັກກິລາຈາໄມກາທີ່ໄດ້ຫຼຽນຄຳໂອລິມປິກ 3 ຫຼຽນບໍລິຈາກເງິນໃຫ້ເດັກນ້ອຍຢູ່ເຂດປະສົບໄພແຜ່ນດິນໄວເສສວນ

(GMT+08:00) 2008-08-24 14:37:48 cri
-----------------------------------------------------------------------------------------------------------------

ຕາມຂ່າວ CRI: ວັນທີ 23 ສິງຫານີ້, ທ້າວຢູເຊນ ບອນທ໌ ນັກກິລາຈາໄມກາທີ່ໄດ້ຫຼຽນຄຳໂອລິມປິກ 3 ຫຼຽນແລະໄດ້ທຳລາຍສະຖິຕິໂລກ 3 ເທື່ອບໍລິຈາກເງິນ 5 ໝື່ນໂດລາຜ່ານສະພາກາແດງຈີນໃຫ້ເດັກນ້ອຍຢູ່ເຂດປະສົບໄພແຜ່ນດິນໄວເສສວນ,ເງິນຈຳນວນນີ້ໃຊ້ສຳລັບຊ່ອຍເຫຼືອເດັກນ້ອຍຈີນທີ່ພິການເຄິ່ງຄີງສ່ວນລຸ່ມ.

ມື້ດຽວກັນ, ຢູ່ປັກກິ່ງ, ທ້າວບອນທ໌ ໄດ້ໄປຢ້ຽມຢາມເດັກນ້ອຍຈີນ 2 ຄົນທີ່ໄດ້ຮັບບາດເຈັບໃນເຫດແຜ່ນດິນໄຫວແຂວງເສສວນ, ແລະໄດ້ເຊີນເດັກນ້ອຍຂອງເຂດປະສົບໄພແຜ່ນດິນໄຫວ 6 ຄົນໄປທ່ຽວຈາໄມກາໃນປີໜ້າ.

ທ້າວບອນທ໌ ຍັງກ່າວວ່າ, ເຖິງວ່າ, ເວລາທີ່ລາວຢູ່ຈີນບໍ່ດົນປານໃດ, ແຕ່ປະຊາຊົນຈີນທີ່ໃຈກວ້າງຂວາງໄດ້ໃຫ້ຄວາມອົບອຸ່ນດ້ານຈິດໃຈແກ່ລາວ. ເມື່ອຊິງໄດ້ແຊມປຽນໃນການແຂ່ງຂັນແລ່ນ 200 ແມັດແລ້ວ, ຜູ້ຊົມ 9 ໝື່ນຄົນຢູ່ສະໜາມຮັງນົກຮ້ອງເພງສຸກສັນວັນເກີດໃຫ້ລາວນັ້ນ, ຈະກາຍເປັນຄວາມຊົງຈຳທີ່ລືມບໍ່ລົງຕະຫຼອດຊີວິດຂອງລາວ.

ທ້າວບອນທ໌ ຊິງໄດ້ຫຼຽນຄຳ 3 ຫຼຽນໃນການແຂ່ງຂັນແລ່ນ 100 ແມັດ, 200 ແມັດເພດຊາຍ, ແລະການແຂ່ງຂັນແລ່ນຕໍ່ໄມ້ 100 ແມັດ X 4 ເພດຊາຍໃນງານໂອລິມປິກປັກກິ່ງ.

ຂ່າວ-ບົດທີ່ກ່ຽວຂ້ອງ

ຄຳເຫັນ