ສູນກາງພັກກອມມູນິດຈີນ ລັດຖະບານຈີນຊົມເຊີຍຄະນະນັກກິລາຈີນທີ່ໄດ້ຜົນງານດີເດັ່ນ
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ 24 ສີງຫານີ້, ສູນກາງພັກກອມມູນິດຈີນ ລັດຖະບານຈີນຝາກຈົດໝາຍໃຫ້ຄະນະນັກກິລາຈີນທີ່ເຂົ້າຮ໋ວມງານກິລາໂອລິມປິກຄັ້ງທີ 29, ສະແດງຄວາມຊົມເຊີຍຢ່າງອົບອຸ່ນແລະຖາມຂ່າວຢ່າງສະໜິດສະໜົມຕໍ່ຄະນະນັກກິລາຈີນທີ່ໄດ້ຮັບຜົນງານອັນມີກຽດຢ່າງໃຫຍ່ຫຼວງໃຫ້ປະເທດຊາດແລະປະຊາຊົນ.
ຈົດໝາຍຊົມເຊີຍຂຽນວ່າ, ໃນງານໂອລິມປິກເທື່ອນີ້, ນັກກິລາຈີນໄດ້ຫຼຽນຄຳ 51 ຫຼຽນ, ຫຼຽນເງິນ 21 ຫຼຽນແລະຫຼຽນທອງ 28 ຫຼຽນ, ຢູ່ໃນອັນດັບທີ່ໄດ້ຫຼຽນຄຳຫຼາຍທີ່ໜຶ່ງ, ໄດ້ສ້າງຜົນງານດີທີ່ສຸດແຕ່ຄະນະນັກກິລາຈີນເຂົ້າຮ່ວມງານໂອລິມປິກມານີ້, ໄດ້ປະກອບສ່ວນສຳຄັນໃຫ້ແກ່ການຈັດງານໂອລິມປິກປັກກິ່ງເປັນງານໂອລິມປິກທີ່ມີສີສັນພິເສດແລະລະດັບສູງ.
ຈົດໝາຍຊົມເຊີຍຂຽນວ່າ, ນັກກິລາຈີນກັບນັກກິລາທີ່ມາຈາກປະເທດຕ່າງໆໃນໂລກໄດ້ແລກປ່ຽນວິຊາກິລາ, ຍົກລະດັບການແຂ່ງຂັນໃຫ້ສູງຂຶ້ນແລະເພີ່ມມິດຕະພາບຊິ່ງກັນແລະກັນ, ໄດ້ປະກອບສ່ວນໃໝ່ເພື່ອຊຸກຍູ້ຄວາມເຂົ້າໃຈກັນແລະມິດຕະພາບລະຫວ່າງປະຊາຊົນບັນດາປະເທດແລະເຂດແຄວ້ນຕ່າງໆໃນໂລກ.
