ທົ່ວ​ປະ​ເທດ​ອັງ​ກິດ​ສະ​ຫຼອງ​ການ​ມອບ​ຮັບທຸງ​ໂອ​ລິ​ມປິກ​ຢູ່ລອນ​ດອນ

ຕາມ​ຂ່າວCRI: ຕອນ​ບ່າຍ​ວັນ​ທີ 24 ສີ​ງຫາ​ນີ້, ​ໂທລະພາບ​ໃຫຍ່ 30 ໜ່ວຍ​ທີ່​ຕັ້ງ​ຢູ່​ຕາມ​ຖະໜົນນະຄອນ​ລອນ​ດອນ​ແລະ​ຕົວ​ເມືອງ​ອື່ນໆ​ໄດ້​ຖ່າຍ​ທອດ​ສົດ​ພິທີ​ອັດ​ງານ​ໂອ​ລິ​ມປິກ​ປັກ​ກິ່ງ, ​​ໃນ​ເວລາ​ທ່ານ​ໂບຣິສ ຈອນ​ເຊີນ ​​ເຈົ້າ​ຄອງນະຄອນ​ລອນ​ດອນ​ຮັບ​​ເອົາໄດ້​ທຸງ​ໂອ​ລິ​ມປິກ​ຈາກ​ທ່ານ​ຊາກ​ໂຣ​ເກ ປະທານ​ຄະນະ​ກຳມະການ​ໂອ​ລິ​ມປິກ​ສາກົນນັ້ນ, ສຽງ​ໄຊ​ໂຍ​ໂຮ​ຮ້ອງ​ອັນ​ຄຶກຄື້ນຂອງ​ຜູ້​ຊົມ​ໄດ້​ດັງ​ຂຶ້ນ​​ເປັນ​ເວລາ​ຍາວ​ນານ.

ຕໍ່​ຈາກ​ນັ້ນ, ​ໃນ​ສະໜາມ​ຫຼວງ​ຢູ່​ນອກ​ວັງ​ເບ​ຄິງຮາມ​ລອນ​ດອນໄດ້​ຈັດ​ງານ​ດົນຕີ​ກາງ​ແຈ້ງ, ສະ​ເຫຼີ​ມສະຫຼອງ​ນະຄອນ​ລອນ​ດອນ​ກາຍ​ເປັນ​ເມືອງ​ຈັດ​ງານ​ໂອ​ລິ​ມປິກ​ຢ່າງ​ເປັນ​ທາງ​ການ, ນັກ​ກິລາ​ໂອ​ລິ​ມປິກ​ບາງ​ຄົນ​ທີ່​ຫາ​ກໍ​ກັບ​ມາ​ຈາກ​ການເຂົ້າ​ຮ່ວມ​ງານ​ໂອ​ລິ​ມປິກ​ປັກ​ກິ່ງ​ກໍ​ໄດ້​ເຂົ້າ​ຮ່ວມ​ງານ​ດົນຕີ.