ບຸກຄົນທີ່ມີຊື່ສຽງສາກົນແລະຜູ້ນຳຕ່າງປະເທດຈຳນວນໜຶ່ງຊົມເຊີຍຈີນຈັດງານໂອລິມປິກຢ່າງສຳເລັດຜົນ
-----------------------------------------------------------------------------------------------------------------
ຕາມຂ່າວCRI: ຫວ່າງມໍ່ໆນີ້, ບຸກຄົນທີ່ມີຊື່ສຽງສາກົນແລະຜູ້ນຳຕ່າງປະເທດຈຳ ນວນໜຶ່ງສືບຕໍ່ຊົມເຊີຍຈີນຈັດງານໂອລິມປິກປັກກິ່ງຢ່າງສຳເລັດຜົນດ້ວຍຫຼາຍຮູບການ.
ວັນທີ 25 ສີງຫານີ້, ທ່ານປານກີມູນ ເລຂາທິການໃຫຍ່ສະຫະປະຊາຊາດອອກຖະແຫຼງການວ່າ, ລັດຖະບານແລະປະຊາຊົນຈີນໄດ້ທຳຄວາມພະຍາຍາມທີ່ບໍ່ເຄີຍມີເພື່ອຈັດງານໂອລິມປິກປັກກິ່ງ, ພ້ອມກັນນັ້ນກໍໄດ້ຮັບ"ຜົນສຳເລັດທີ່ບໍ່ເຄີຍມີ"ມາກ່ອນ. ທ່ານຍັງກ່າວວ່າ, ງານໂອລິມປິກເທື່ອນີ້ໄດ້ເພີ່ມການສົນທະນາກັນໃນປະຊາຄົມໂລກ, ແລະໄດ້ເພີ່ມຄວາມເຂົ້າໃຈກັນ, ແລ້ວໄດ້ສ້າງໂອກາດສຳຄັນເພື່ອຊຸກຍູ້ສັນຕິພາບແລະຄວາມກົມກຽວກັນຂອງໂລກ.
ກ່ອນງານໂອລິມປິກປັກກິ່ງອັດລົງ, ໃນເວລາໃຫ້ສຳພາດຕໍ່ສື່ມວນຊົນແມັກຊິກ, ທ່ານອັນໂທນີໂອ ຊາມາລັນສ໌ ປະທານກິດຕິມະສັກຕະຫຼອດຊີວິດຂອງຄະນະກຳມະການໂອລິມປິກສາກົນກ່າວວ່າ, ງານໂອລິມປິກປັກກິ່ງແມ່ນງານໂອລິມປິກທີ່ດີທີ່ສຸດທີ່ທ່ານເຄີຍເຫັນ, ແມ່ນງານໂອລິມປິກ"ທີ່ບໍ່ທຳມະດາ"ເທື່ອໜຶ່ງ.
