ຮອງ​ນາ​ຍົກ​ລັດ​ຖະ​ມົນ​ຕີ​ສິງ​ກະ​ໂປ​ຈະ​ມາ​ຢ້ຽມ​ຢາມ​ຈີນ

ຕາມ​ຂ່າວ CRI: ວັນ​ທີ 26 ສິງຫາ​ນີ້, ຢູ່​ທີ່​ປັກ​ກິ່ງ, ທ່ານ​ຊິນ​ກາງ​ໂຄສົກ​ກະຊວງ​ການ​ຕ່າງປະ​ເທດຈີນ​ກ່າວ​ວ່າ, ທ່ານ​ວອງ​ຄັນ​ເຊງ ຮອງ​ນາຍົກ​ລັດຖະ​ມົນຕີ​ສິງກະ​ໂປ​ຈະ​ມາ​ຢ້ຽມຢາມ​ຈີນ.

ທ່ານ​ຊິນ​ກາງ​ກ່າວ​ວ່າ, ​ໂດຍ​ຕອບ​ສະໜອງ​ຄຳ​ເຊີນ​ຂອງ​ທ່ານ​ວາງ​ຊີ​ຊ່ານ ຮອງ​ນາຍົກ​ລັດຖະ​ມົນຕີ​ຈີນ, ທ່ານ​ວອງ​ຄັນ​ເຊ​ງ ຮອງ​ນາຍົກ​ລັດຖະ​ມົນຕີ​ສິງກະ​ໂປ​ຈະ​ມາ​ຢ້ຽມຢາມ​ຈີນ​ແຕ່​ວັນ​ທີ 2 ຫາ​ວັນ​ທີ 6 ກັນຍາ, ​ແລະ​ຈະຮ່ວມ​ກັບ​ທ່ານ​ວາງ​ຊີ​ຊ່ານ ຮອງ​ນາຍົກ​ລັດຖະ​ມົນຕີ​ຈີນ​ເປັນ​ເຈົ້າ​ພາບ​ຈັດ​ກອງ​ປະຊຸມ​ເທື່ອ​ທີ 5 ຂອງ​ຄະນະ​ກຳ​ມະ​ການ​ປະສົມ​ການຮ່ວມ​ມື​ສອງ​ຝ່າຍ​ຈີນ​ສິງກະ​ໂປ, ກອງ​ປະຊຸມ​ເທື່ອ​ທີ 10 ຂອງ​ຄະນະ​ກຳ​ມະ​ການ​ປະສານ​ງານ​ຮ່ວມ​ຂອງ​ສວນ​ອຸດສາ​ຫະກຳ​ນະຄອນ​ຊູ່ໂຈ່ວ​ແລະ​ກອງ​ປະຊຸມ​ຄັ້ງ​ທຳ​ອິດ​ຂອງ​ຄະນະ​ກຳ​ມະ​ການ​ປະ​ສານ​ງານ​ຮ່ວມ​ຂອງ​ເມືອງ​ຊີວະ​ພາບ​ນະ​ຄອນ​ທຽນ​ສິນ.