ບຸກຄົນສາກົນຍ້ອງຍໍງານໂອລິມປິກປັກກິ່ງ
-----------------------------------------------------------------------------------------------------------------
ຕາມຂ່າວCRI, ໃນຫຼາຍມື້ມານີ້, ບຸກຄົນການເມືອງແລະວົງການກິລາສາກົນຈຳນວນໜຶ່ງໄດ້ຍ້ອງຍໍງານໂອລິມປິກປັກກິ່ງໄດ້ຮັບຜົນສຳເລັດເຕັມເມັດເຕັມໜ່ວຍ.
ວັນທີ28ສິງຫານີ້, ທ່ານຈູລີໂອ ໂຄໂບສ ຮອງປະທານາທິບໍດີອັກຊັງຕິນຝາກໂທລະເລກໄປຍັງທ່ານເຈິ່ງກ່າງ ເອກອັກຄະລັດຖະທູດຈີນປະຈຳອັກຊັງຕິນ ໂດຍກ່າວວ່າ, ພິທີໄຂແລະພິທີອັດງານໂອລິມປິກປັກກິ່ງທີ່ໂລດໂຜນໄດ້ເຮັດໃຫ້ຊາວໂລກລາຍຫູລາຍຕາ, ວຽກງານຈັດຕັ້ງການແຂ່ງຂັນຕ່າງໆກໍຈົບງາມທີ່ສຸດ.
ວັນທີ28ສິງຫານີ້, ທ່ານເກດີມີນາສ ເຄຍຄີລາສ ນາຍົກລັດຖະມົນຕີລີຕົວນີທີ່ໄດ້ຊົມງານໂອລິມປິກແລ້ວກັບຄືນປະເທດ, ເມື່ອທ່ານໄປເປັນແຂກຢູ່ສະຖານທູດຈີນປະຈຳລີຕົວນີຕາມຄຳເຊີນ, ທ່ານໄດ້ເລົ່າຄວາມຮູ້ສຶກຂອງຕົນທີ່ມີຕໍ່ງານໂອລິມ ປິກປັກກິ່ງ. ທ່ານກ່າວວ່າ, ງານໂອລິມປິກປັກກິ່ງເຮັດໃຫ້ໂລກເຂົ້າໃຈຈີນຫຼາຍກວ່າເກົ່າ, ໄດ້ປ່ຽນແປງພາບປະທັບໃຈຂອງຫຼາຍຄົນທີ່ມີຕໍ່ຈີນ.
ວັນທີ28ສິງຫານີ້, ທ່ານໂທມາສ ແຮນດຼິກ ອີວິສ ປະທານາທິບໍດີແອັສໂຕນີຮັບເອົາສານຕາຕັ້ງຂອງທ່ານຮວງຈົ່ງໂພ ເອກອັກຄະລັດຖະທູດຜູ້ໃໝ່ຂອງຈີນປະຈຳແອັສໂຕນີ, ທ່ານຊົມເຊີຍງານໂອລິມປິກໄດ້ຮັບຜົນສຳເລັດເຕັມເມັດເຕັມໜ່ວຍ, ແລະອວຍພອນໃຫ້ງານໂອລິມປິກຄົນພິການປັກກິ່ງທີ່ຈະຈັດຂຶ້ນໃນໄວໆນີ້ກໍ່ຈະໄດ້ຮັບຜົນສຳເລັດຄືກັນ.
ວັນທີ28ສິງຫານີ້, ໃນເວລາສະມາຊິກຈຳນວນໜຶ່ງຂອງຄະນະນັກກິລາປາເລັດສຕິນໃຫ້ສຳພາດຕໍ່ນັກຂ່າວໄດ້ກ່າວວ່າ, ງານໂອລິມປິກປັກກິ່ງແມ່ນງານມະຫັດສະຈັນທີ່ລອກແບບຍາກ.
