ກອງປະຊຸມຂັ້ນລັດຖະມົນຕີຄັ້ງທີ 10 ຂອງການຮ່ວມມືພັດທະນາເຂດລ້ອງແມ່ນ້ຳຂອງຂອງອາຊຽນຈັດຂຶ້ນ

(GMT+08:00) 2008-08-29 19:20:56 cri
-----------------------------------------------------------------------------------------------------------------

ຕາມຂ່າວ CRI: ວັນທີ 29 ສິງຫານີ້, ກອງປະຊຸມຂັ້ນລັດຖະມົນຕີຄັ້ງທີ 10 ຂອງການຮ່ວມມືພັດທະນາເຂດລ້ອງແມ່ນ້ຳຂອງຂອງອາຊຽນຈັດຂຶ້ນຢູ່ສິງກະໂປ, ລັດຖະມົນຕີທັງຫຼາຍທີ່ຮ່ວມປະຊຸມໄດ້ຫາລືກັນກ່ຽວກັບສະພາບຄວາມຄືບໜ້າຂອງການຮ່ວມມືພັດທະນາເຂດລ້ອງແມ່ນ້ຳຂອງຂອງອາຊຽນ.

ໃນຖະແຫຼງການຮ່ວມທີ່ປະກາດຫຼັງປະຊຸມ, ລັດຖະມົນຕີທັງຫຼາຍທີ່ຮ່ວມປະຊຸມເຫັນວ່າການຮ່ວມມືພັດທະນາເຂດລ້ອງແມ່ນ້ຳຂອງຂອງອາຊຽນໄດ້ມີຄວາມຄືບໜ້າ. ຮອດເດືອນສິງຫາປີນີ້, 45 ໂຄງການຂອງການຮ່ວມມືດັ່ງກ່າວໄດ້ປະຕິບັດໃນລະດັບຕ່າງກັນ. ລັດຖະມົນຕີທັງຫຼາຍກ່າວວ່າ, ການຂະຫຍາຍຕົວຂອງການຮ່ວມມືພັດທະນາເຂດລ້ອງແມ່ນ້ຳຂອງຂອງອາຊຽນຄວນດຳເນີນໄປພ້ອມກັນກັບການສ້າງປະຊາຄົມເສດຖະກິດອາຊຽນ, ເພາະວ່າການຮ່ວມມືດັ່ງກ່າວມີຜົນດີຕໍ່ການຫຼຸດຄວາມຜິດໂຕນກັນດ້ານການພັດທະນາລະຫວ່າງປະເທດສະມາຊິກອາຊຽນຕ່າງໆ, ໂດຍສະເພາະແມ່ນສາມາດຊຸກຍູ້ການພັດທະນາເສດຖະກິດຂອງກຳປູເຈຍ, ລາວ, ມຽນມາແລະຫວຽດນາມ.

ລັດຖະມົນຕີທັງຫຼາຍຍັງເຫັນວ່າ, ປະເທດຕ່າງໆທີ່ກ່ຽວຂ້ອງໄດ້ທຳຄວາມພະຍາຍາມໃນດ້ານການສ້າງ "ໂຄງການທາງລົດໄຟສິງກະໂປຮອດຂຸ່ນມິງ", ໄດ້ຮັບຄວາມຄືບໜ້າ. ກອງປະຊຸມຕົກລົງຈັດກອງປະຊຸມແລະງານວາງສະແດງທີ່ກ່ຽວຂ້ອງໃນຕົ້ນປີ 2009, ເພື່ອໂຄສະນາແລະດຶງດູດການລົງທຶນຕໍ່ໂຄງການນີ້, ເພື່ອຮັບປະກັນໃຫ້ການກໍ່ສ້າງໂຄງການນີ້ດຳເນີນໄປດ້ວຍດີ.

ຂ່າວ-ບົດທີ່ກ່ຽວຂ້ອງ

ຄຳເຫັນ