ທ່ານເວີ່ນເຈຍປາວຈັດກອງປະຊຸມຄົ້ນຄວ້າວຽກງານຈັດວາງປະຊາຊົນເຂດປະສົບໄພແຜ່ນດິນໄຫວຕື່ມອີກ
-----------------------------------------------------------------------------------------------------------------
ຕາມຂ່າວສານຊິນຮວາ, ຕອນຄ່ຳວັນທີ31ສິງຫາແລະຕອນຄ່ຳວັນທີ1ກັນຍານີ້, ທ່ານເວີ່ນເຈຍປາວ ນາຍົກລັດຖະມົນຕີຈີນ ຜູ້ບັນຊາການສູງສຸດກອງບັນຊາການກູ້ໄພແຜ່ນດິນໄຫວຂອງລັດຖະບານຈີນທີ່ພວມລົງຢ້ຽມຢາມຢູ່ແຂວງເສສວນ ໄດ້ຈັດກອງປະຊຸມຢູ່ເທິງຂະບວນລົດໄຟ, ຄົ້ນຄວ້າວຽກງານຈັດວາງປະຊາຊົນເຂດປະສົບໄພແຜ່ນດິນໄຫວຕື່ມອີກ.
ກອງປະຊຸມເຫັນວ່າ, ພາຍຫຼັງເມືອງເວີ້ນຊ່ວນຂອງຈີນເກີດໄພແຜ່ນດິນໄຫວແລ້ວ, ເມື່ອໄດ້ພະຍາຍາມເປັນເວລາສາມເດືອນກວ່າແລ້ວ, ປະຊາຊົນເຂດປະສົບໄພໄດ້ຮັບການຈັດວາງຢ່າງເໝາະສົມແລ້ວ. ປະຈຸບັນ, ບັນຫາກິນເຂົ້າ, ກິນນ້ຳແລະເຮືອນພັກູຊົ່ວຄາວຂອງປະຊາຊົນໄດ້ຮັບການແກ້ໄຂໃນຂັ້ນພື້ນຖານ, ໂຮງຮຽນປະຖົມແລະມັດທະຍົມໄດ້ຟື້ນຟູການຮ່ຳຮຽນທັງໝົດ, ປະຊາຊົນຜູ້ບາດເຈັບໄດ້ຮັບການປິ່ນປົວ, ພາຍຫຼັງເກີດໄພແລ້ວ, ບໍ່ມີພະຍາດລະບາດເກີດຂຶ້ນ, ການຜະລິດອຸດສາຫະກຳແລະກະສິກຳໄດ້ຮັບການຟື້ນຟູໃນຂັ້ນພື້ນຖານ, ສັງຄົມມີຄວາມສະຫງົບ.
